Waebrania 11:35 - Kivunjo New Testament 1999

³⁵ Waka waleambilyia wapfu wawo waleṟutso. Kyaindi wengyi walekapo uwicho mṟasa iwoogo, wengyi wakagamba wakundi iwuto wusingyenyi-pfo, kundu wawone wuṟutsi wuwucha ngoseṟa.

Waebrania 11:35 ပူးပေါင်းရင်းမြစ်များ

Matayo 22:30

Cha kyipfa walya wekyeṟuka ko wapfu wekyealyika maa ialyiko-pfo, kyaindi wekyewa cha malaika wa ruwewu.

Mariko 12:25

Cha kyipfa kyiyeri wechiṟuka ko wapfu, wekyealyika maa ialyiko-pfo, indi wekyewa cha malaika wakyeri ruwewu.

Luka 14:14

na iyoe nochiwa nanga, cha kyipfa iwo wawoṙe kyekutaa-pfo; kyipfa nochitoo kyiyeri kya iṟuka lya wasumganyi.”

Luka 20:36

Maa weiṙima ipfa-se-pfo; cha kyipfa wekyewa cha malaika, nawo nyi wana wa Ruwa, kyipfa kya ilyi wakyeri wana wa iṟutso.

Yohane 5:29

Nawo wechiwuka shilomenyi; walya walewuta shindo shicha wawone moo o mlungana na walya walewuta shiwicho waanduyo.”

Mawuto Ga Wasu 22:29

Kyasia walya wawekuṟeyeṟie immbesa wakawuka halya wakamleka. Ang'anyi ulya o asikari wa shiṙa na oe kaowuo, kyiyeri alemanya kye nyi Mroma, na kyipfa alempfunga.

Mawuto Ga Wasu 23:6

Kyiyeri Paulo alemanya kye kyitumbuṟe kyimwi nyi Masadukayo, na kyitumbuṟe kyingyi nyi Mafarisayo, kakuilenga na ṟui lyakye halya mengyenyi kagamba, “Wana wa wama wako, inyi nyi Mfarisayo, mana o Mfarisayo. Inyi ngyianduyo kyipfa kya ikusuria iṟutso lya wapfu.”

Mawuto Ga Wasu 24:15

Ngyiwoṙe ikusuria ko Ruwa, ikusuria maa iwo wailyiweṙelyia, kye kochiwaṙa iṟutso lya wapfu, wasumganyi na walawasumganyi taa.

Mawuto Ga Wasu 4:19

Petiro na Yohane wakawagaluo, wakawawia, “Kye nyi sungusinyi mbele ya Ruwa imuaṙanyia nyoe kuta Ruwa, ṙumbuonyi nyoe muwenyi,

Mawuto Ga Wasu 9:41

Petiro kalesha kuwoko, kamwira. Na amlage wandu walya wa Ruwa na wakusu kawikyia Dorikasi mbele yawo, ai na moo.

1 Wakorinto 15:54

Kyasia kyiyeri mmbiu-chu okyenyamaṟika ulechinyamaṟika, na mmbiu-chu okyepfa ulechipfa, nyi lyo-ndu kyeafukyia kyindo kyilya kyikyiṟeie, “Upfu lulemeṟo kui iwinga.

Waefeso 3:11

kundu ngyiiṙime kui njia yoose ishika mfiri o iṟutso lya wapfu.