Waebrania 11:13 - Kivunjo New Testament 1999

¹³ Iwa woose wakapfiia iiṙikyienyi, walaambilyia shaasa shilya, indi wakashiwona wai kuleshi na ichihiyo kyipfa kyasho, na igamba kye wawekyeri wayenu, na wakyaro urukyenyi.

Waebrania 11:13 ပူးပေါင်းရင်းမြစ်များ

Matayo 13:17

Cha kyipfa, ny'kyaloi, ngammbia, weonguo shisuku wafoi na wasumganyi walelanga iwona ishi mushiwonyi nyoe, walashiwone; na iicho ishi muicho nyoe walashiicho.”

Yohane 12:41

Mbonyi-tsi Yesaya naletsionguo, cha kyipfa nalewona mng'ano okye, kasenda mbonyi tsakye.

Yohane 8:56

Abrahamu, awu onyu, nalechihiyo chandu echiwona mfiri o icha lyako; na oe kauwona kachihiyo.”

Waroma 4:21

Echimanya kye loi Ruwa neiṙima iṟunda shilya aweteṟie.

Waroma 8:24

Cha kyipfa lulekyiṟo kui kyindo kyiweṙelyio, kyilawonio. Indi kyindo kyiweiweṙelyio kyikammboneka, kuwoṙe-se iweṙelyia-pfo. Cha kyipfa nyi wui ekyeweṙelyia kyilya akyiwonyi?

2 Wakorinto 4:18

Lulaambuye shekyewono indi shilya shilekyewono. Shilya shekyewono shekyekaa kyiyeri kyifuhi, indi shilya shilekyewono shekyekaa mlungana.

2 Wakorinto 5:6

Kyasia mfiri yoose luwoṙe wukari; lyingyi-se luichi kye, kyiyeri lukyeri iha na mmbiu-chu, lukyeri kuleshi na Mndumii.

Wafilyipi 2:19

Kyasia wookyia wulalu nyoe chi wayenu maa wandu waikuiṙia-pfo, indi nyoe nyi wandu walakyeri wayenu hamwi na wandu wa Ruwa, wandu wa kanyi ko Ruwa.

Waebrania 11:14

Cha kyipfa iwo wekyegamba mbonyi cha itso wailoṟa na pata kye waipfula uruka lowo wawenyi.

Waebrania 11:17

Kui iiṙikyia Abrahamu kyiyeri aleyesho, nalewuta Isakyi nawe kyiṙaso; na oe aleambilyia shaasa-sho naweiwuta mono-kye, mana kyimuumwi.

Waebrania 11:27

Kui iiṙikyia kawuka Misiri, alaowuoe nyashi ya mangyi, kyipfa nalekarishia cha mndu awonyi ulya alekyewono.

Waebrania 11:39

Na wandu-wo woose wamṟingyishio kyipfa kya iiṙikyia lyawo, waleambilyia kyaasa-pfo;

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.

1 Petiro 1:17

Na kokooya mokyemlaga Awu, ulya ekyeanduya wandu kulawoṙe ikundia, iṙuana na iṟunda lyakye, chumienyi kui wuowu kyiyeri kya ikaa lyanyu iha cha wayenu.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

1 Yohane 3:19

Kyipfa kya ikyo lochimanya kye lukyeri wa loi, na soe lochiwiyiṟia mrima yaṙu moo mbele yakye,