Waebrania 10:39 - Kivunjo New Testament 1999

³⁹ Kyaindi soe lukyeri kyiiṙi kya walya waiiya-iya na iṙeka-pfo, indi lukyeri kyiiṙi kya walya wawoṙe iiṙikyia na ikyiṟa mrima yaṙu.

Waebrania 10:39 ပူးပေါင်းရင်းမြစ်များ

Mariko 16:16

Aiṙikyia na ipatiso nechikyia; alaiṙikyia, nechianduyo.

Luka 11:26

Na kashika, kawona ingyiaie na ichopo, nyi lyo-ng'u ekyeyenda kaṙuo handu hamwi na oe waṟufui wengyi wawicho mfungaaṙe wakyeri wawicho kuta oe amonyi, wakaiṙa na ikaa pfo; na mndu ulya mafurumionyi gakye gekyewiha kuta kulya mawookyionyi.”

Yohane 17:12

Kyiyeri ngyiwekyeri hamwi nawo, inyi ngyilewaringa kui rina lyapfo ulengyienenga, ngawaambuya; maa kuwoṙe umwi owo aleṙeka-pfo, sile mana ulya o wuṙetsi, kundu kyiṟeio kyiafukyie.

Yohane 20:31

Kyaindi ishi shileṟeio, kundu muiṙime iiṙikyia kye Yesu nyi oe Kristo, Mono-Ruwa; na kui iiṙikyia muwone moo o mlungana kui rina lyakye.

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

1 Watesalonikye 5:9

Cha kyipfa Ruwa alalekunda ilukapa kui nyashi yakye, indi luwone wukyiṟo, kui Mndumii oṙu Yesu Kristo;

2 Watesalonikye 2:3

Mndu oose ulamulembe kui mbaṟe yoose; kyipfa mfiri-cho uicha-pfo, mṟasa kuche kuwooka Ikana Ruwa, kaloṟo na pata mndu ulya molega kilya Ruwa awawasie, mana ekyekana Ruwa.

1 Timoteo 6:9

Kyaindi iwo wakundi iwaṙa masaa wekyeoloka shiyeshonyi na mṙegonyi, na langonyi tsingyi tsa maai, tsekyelyisa wukyiwa, tsekyeolotsa wandu wuṙetsinyi na wunyamaṟinyi.

Waebrania 10:26

Kyipfa kokooya lowuta wunyamaṟi lukomuambilyia wuṟango wo wuloi wulya, kuwoṙe-se kyimaṙuma kya kyiṙaso kyipfa kya ngyuunyamaṟi-pfo.

Waebrania 10:38

Kyaindi msumganyi oko nechiwaṙa moo kui iiṙikyia. Na oe kaiya-iya mrima oko ochiwaṙa sia kyipfa kyakye-pfo.”

Waebrania 11:1

Kyasia, iiṙikyia nyi iambilyia shindo shiweṙelyio kulawoṙe iiya-iya. Nyi iiṙikyia nakamwi shindo shilekyewono.

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.

1 Yohane 5:16

Mndu kawona mono-wama okye ewuta kyindo kyiwicho kyilekyeende upfu, neterewa Ruwa, na Ruwa nechimwenenga moo. Moo-cho nyi ko walya wekyewuta shindo shiwicho shilekyeende upfu. Kuwoṙe kyindo kyiwicho kyekyeende upfu. Ngyigamba kye nechiterewa Ruwa kyipfa kya ikyo-pfo.

1 Yohane 5:5

Awingyie wuyana nyi wui, sile nyi ulya aiṙikyie kye Yesu nyi Mono-Ruwa?

Ulogo 17:11

Na indo lyilya lyiwekyeri pfo nalyo lyilakyeri ho, lyo nyilyo lya nyanya, nalyo nyi umwi o walya mfungaaṙe, na oe nainderumatso.

Ulogo 17:8

Indo lyilya olyiwona lyiwekyeri pfo, nalyo lyikyeri ho-pfo, nalyo lyikuṟeyeṟie iṙo iwuka halya-ndu wapfu wekyekaa na iyenda wunyamaṟinyi. Na iwo wekyekaa urukyenyi, marina gawo galamaṟeie kyitapunyi kya moo wookyia igumbo lya wuyana, wechiṟiyio kyiyeri wechiwona indo lyilya, kye lyiwekyeri pfo, nalyo lyikyeri ho-pfo, nalyo lyechicha.