Waebrania 10:36 - Kivunjo New Testament 1999

³⁶ Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 10:36 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Matayo 12:50

Cha kyipfa orio oose echiṟunda shilya Awu-yoko akyeri ruwewu akundi, ichu nyi oe mono-wama oko, na mshikyi oko, na wama oko.”

Matayo 21:31

Ngyesa kyiiṙi kya iwo wawi nyi uha aleṟunda kyilya awuye akundi?” Wakammbia, “Nyi ulya o kawi.” Kyasia Yesu kawawia, “Ny'kyaloi ngammbia, wesania ukamba na maṟai waimusongoya iiṙa na Wumangyinyi wo Ruwa.

Matayo 24:13

Kyaindi ulya echikarishia mṟasa mafurumionyi, nyi oe echikyia.

Matayo 7:21

“Chi orio mndu ekyengyiwia, ‘Mndumii, Mndumii’ echiiṙa na ipfo Wumangyinyi wo ruwewu-pfo; sile ulya ekyeosha shilya Awu oko akyeri ruwewu akundi.

Mariko 3:35

Cha kyipfa orio mndu echiṟunda shilya Ruwa akundi, icho nyi oe mono-wama oko, na mshikyi oko, na wama oko.”

Luka 21:19

Na nyoe kui wusimiri wonyu mochikyiṟa mrima yanyu.”

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Mawuto Ga Wasu 13:22

Na amwawute Saulyi, kasambuṟa Dawidi nawe mowaṙa uruka lowo, ulya alemṟingyishia, echigamba, ‘Ngawona Dawidi, mana o Yese, mndu achihiṟie ngoo yako, echiwuta shilya ngyikundi shoose.’

Mawuto Ga Wasu 13:36

“Cha kyipfa Dawidi naleṟundia Ruwa kyiyeri kyakye, naaho kapfa kaṟiko hamwi na waku wakye na mmbiu okye ukopuo;

Waroma 12:12

Kui ikusuria, mochichihiyo; fowenyi, mochiweṙelyia; kyiiṙi kya iterewa, kyiyeri kyoose.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

Waroma 8:25

Indi lukoweṙelyia kyindo lulakyiwonyi, lokyiweṙelyia kui wusimiri.

1 Wakorinto 13:7

Lyekyekarishia shoose; lyekyeiṙikyia shoose; lyiwoṙe ikusuria; lyekyekarishia shoose.

Wagalatia 6:9

Lyingyi-se maa lulalemo iwuta shindo shicha; kyipfa lochisambuo ilyi kyiyeri kyechishika, lulandewine.

Wafilyipi 6:6

Maa chi kui wutumo wo meso tikyi cha waikukomba ko wandu-pfo; indi cha watumo wa Kristo, mowuta shechihiṟa Ruwa kui mrima.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

Wakolosai 3:24

muichi kye moambilyia ko Mndumii wori wo kyioṟa. Muiṟundia Mndumii Kristo.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

Waebrania 11:39

Na wandu-wo woose wamṟingyishio kyipfa kya iiṙikyia lyawo, waleambilyia kyaasa-pfo;

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Waebrania 6:12

kundu mulaṙokuoe, indi muwe wandu wekyeosha walya wekyeoṟa shiteṟio kui iiṙikyia na wusimiri.

Waebrania 6:15

Na kuṙo kui isimiria kawona kyaasa kyilya.

Waebrania 6:17

kyiiṙi kya mbonyi-tso Ruwa, akundi iloṟa ngoseṟa mnu walya wekyeoṟa kyaasa kyilya, chandu shilya akundi shilechiiṙima iilachika.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

1 Petiro 1:9

Kyiiṙi kya ichihiyo lyanyu wulalu Ruwa naimukyiṟa, ikyiṟo lyikyeri ndunda tsa iiṙikyia lyanyu lyikyeri kui Yesu Kristo.

1 Yohane 2:17

Na wuyana wuisia, hamwi na lango tsa wuyana-wo, indi ulya ekyewuta shilya Ruwa akundi nechikaa ho mṟasa mlungana.

Ulogo 13:10

Mndu kaende kyindo shiṙenyi na oe nechiwoṙo shiṙenyi. Mndu kawaaga kui ushu, nechiwoogo kui ushu. Iha nyiho hawoṙe wusimiri na iiṙikyia lya wandu wa Ruwa.

Ulogo 14:12

Iha nyiho hawoṙe wusimiri wo wandu wa Ruwa, walya wekyeosha shilya mawawaso ga Ruwa gakundi, na iiṙikyia lya Yesu.”