Waebrania 10:34 - Kivunjo New Testament 1999

³⁴ Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 10:34 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Luka 10:42

kyaindi nyi kyindo kyimwi tikyi kyikyikunde; na Maria nasambuṟa ṙombo lyicha lyilechiwuto kokye.”

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 9:25

Cha kyipfa nyi kyiira kyiha mndu echiwona kawona wuyana woose; kokooya aṙetsa moo okye na ikuṙetsa amonyi?

Mawuto Ga Wasu 21:33

Numa ya iho msongoru ulya o asikari wa shiṙa katikyira kufuhi na Paulo, kammbaṙa, kagamba napfungo na mshe iwi; kawesa, “Nyi wui ichu? Ny'kyikyi awuta?”

Mawuto Ga Wasu 28:20

Kyasia kyipfa kya ikyo, ngamulaga muchengyiambuya na iṙeṙa na inyi; cha kyipfa ngyimfungye na mshe-chu kyipfa kya kyilya wandu wa Isiraelyi waiweṙelyia.”

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

2 Wakorinto 5:1

Cha kyipfa luichi kye mmbiu yaṙu lukyeri nayo iha wuyanenyi ikamnyamaṟika, luwoṙe numba iwukyie ko Ruwa, numba ilangyiwikye kui mawoko, ikyeri ya mlungana ruwewu.

Wafilyipi 3:1

Kyipfa kya ikyo inyi Paulo nyi mpfungo o Kristo Yesu kyipfa kyanyu nyoe wandu mulaiṙikyie Ruwa;

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Wafilyipi 6:20

Ndumi Ngyicha iya kyipfa kyayo inyi ngyiṙeṙa handu ha Kristo maa chandu ngyimpfungye, ngyiwaṙe wuṟango na wukari wo ionguo chandu kyingyiwaṟi ionguo.

Waefeso 1:7

Wuṙo wuṙo chandu kyikyeri iṟunda lyako ikusaṟa ishi kyipfa kyanyu moose; cha kyipfa nyoe mukyeri mrimenyi koko; cha kyipfa kyipfungonyi kyako na iṟundenyi lyeringa kyiṟumi kya Ndumi Ngyicha, na iiṟingyishia, nyoe moose muleambilyia isaṟia-lyi hamwi na inyi.

Wakolosai 1:5

Kyipfa kya ikusuria mulewikyio kyiseyesoe ruwewu; muleicho mbonyi tsalyo kacha ko mbonyi tsa loi tsa Ndumi Ngyicha;

1 Timoteo 6:19

kunu wechikooma kyiseyesoe kyiwe urende lucha ko kyiyeri kyiicha, kundu wawone moo o loi.

2 Timoteo 1:16

Mndumii naenengye isaṟia walya wa ura lo Onesifoṟo, kyipfa kafoi nalengyichihiṟa, maa alerigo sonu nyi kyipfa kya ilyi ngyiwempfungye-pfo,

2 Timoteo 2:9

Na inyi kyiiṙi kyayo ngyiletuuro mṟasa ipfungo cha mndu awutie mawicho; kyaindi Ṙeṙo lya Ruwa lyekyepfungo-pfo.

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 11:16

Kyaindi wulalu wailanga uruka lucha ngoseṟa, uruka lo ruwewu. Koikyo Ruwa ekyerigo nyi sonu ilago Ruwa owo-pfo; kyipfa nalewawikyia mṟi.

Waebrania 13:14

Kyipfa iha luwoṙe mṟi ochikaa ho mlungana-pfo, indi luipfula mṟi ulya uicha.

Waebrania 13:3

Kumbuonyi walya wakyeri kyipfungonyi cha ilyi muwapfungye hamwi nawo; na iwo wailyiiyo mbaka, chandu na nyoe muilyiiyo mbaka.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Yakobo 1:2

Wana wa wama wako, talenyi kye nyi sia tikyi, mukooloka shiyeshonyi sha orio mbaṟe;

1 Petiro 1:4

Luwone na kyioṟa kyilekyenyamaṟika, kyilawoṙe ukoe, kyilekyesia, kyilekoomo ruwewu kyipfa kyanyu.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.