Waebrania 10:25 - Kivunjo New Testament 1999

²⁵ Maa lulaṙe isanzia handu hamwi, chandu kyikyeri kyiṙo kya wandu wengyi; indi luikyimbiane; na iengyeṟa iwuta kuṙo, kui chandu muwonyi kye mfiri ulya o Yesu ianduya ukyeri kufui.

Waebrania 10:25 ပူးပေါင်းရင်းမြစ်များ

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 18:20

Cha kyipfa hai wawi waṟaaṟu wasanzie kui rina lyako, na inyi ngyikyeri iho makyiṙi-gawi gawo.”

Yohane 12:48

Ulya angyilega inyi, alaambilyie malosho gako, nawoṙe momwanduya; mbonyi-tso ngaonguo nyitso tsechimwanduya mfiri o furumia.

Mawuto Ga Wasu 16:16

Kyiyeri luweiyenda handu heterewa Ruwa, kyisinga kyimwi kyiwewoṙo nyi mṟufui o ilasha kyikakarisana na soe, kyisinga kyileendie wandumii wakyo kyiira kying'anyi kui iṟunda lya ilasha.

Mawuto Ga Wasu 2:1

Na kyiyeri mfiri o Pentekoste uleafukyia wawekyeri woose handu hamwi.

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Mawuto Ga Wasu 20:7

Na mfiri o kuwooka o juma, kyiyeri lulesanzia handu hamwi kundu lulye mkate o Mndumii, Paulo nalewalosha, akundi iyenda kyaro ilya-ngama, na oe kalosha mṟasa kyio kya mayeleyele.

Waroma 12:8

motutuma, kyiiṙi kya itutuma lyakye; motarama oṙoe, kui mrima mkyesi; mogoṟokyia, kui wuragari; mosaṟia, kui sia.

1 Wakorinto 11:20

Kyasia kyiyeri mosanzia handu hamwi moiṙima ilya kyilaayo kya Mndumii-pfo;

1 Wakorinto 14:23

Kokooya siṟi yoose isanzie handu hamwi, na wandu woose waṙeṙe kui mṙeṙie wandu walaiichi naaho kukocha wandu walaiṙikyie na matondo, ngyesa wechigamba kye muwasuko-pfoe?

1 Wakorinto 14:3

Indi ulya ekyeonguo shisuku, naṙeṙa na wandu mbonyi tsewatarama, na iwawiyiṟia moo, na iwakarisha.

1 Wakorinto 3:13

Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

1 Wakorinto 5:4

Rinenyi lya Mndumii oṙu Yesu, nyoe musanzie handu hamwi na mrima oko, hamwi na wuiṙimi wo Mndumii oṙu Yesu;

Waefeso 4:5

Wuhoo wonyu wumanyikye ko wandu woose. Mndumii nakyeri kufuhi.

1 Watesalonikye 4:18

Kyasia, wiyiṟianenyi moo kui maṙeṙo-ga.

1 Watesalonikye 5:11

Kyasia, wiyiṟianenyi moo na iloshana orio mndu na oṙoe, chandu muiwuta.

Waebrania 10:24

Luambuye chandu lochitaramana na iwutiana shindo shicha na itutumana kui ikunda na iṟunda lyicha.

Waebrania 10:37

“Cha kyipfa hatsugae kyiyeri kyifuhi mnu ulya aicha nechicha, maa echikyelyio-pfo.

Waebrania 13:22

Kyaindi ngyimuterewa, wana wa wama, muaṙanyie necha ulogo-lu lo iikyimbiana; kyipfa ngamuṟeia paruo-i kui maṙeṙo maangu.

Waebrania 3:13

Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

Yakobo 5:8

Na nyoe karishienyi muṟingyishie mrima yanyu, cha kyipfa icha lya Mndumii lyatikyira kufuhi.

1 Petiro 4:7

Kyaindi mafurumionyi ga shindo shoose gakyeri kufuhi. Kyasia ṟanguonyi, mulae kyiṙombo mochiterewa.

2 Petiro 3:11

Kyasia, cha kyipfa shindo-shi shoose sherumatso kuṙo, kyamukooya nyoe muwe wandu wa mkaṟo ya mbaṟe iha kyiiṙi kya ichumia lyanyu lya wuele na iowuo na ikunda Ruwa,

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

2 Petiro 3:9

Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.

Yuda 1:19

Wandu-wo iwo nyiwo wekyeende nduutsano, wandu wa wuyana-wu tikyi, walawoṙe Mumuyo.