Waebrania 10:24 - Kivunjo New Testament 1999

²⁴ Luambuye chandu lochitaramana na iwutiana shindo shicha na itutumana kui ikunda na iṟunda lyicha.

Waebrania 10:24 ပူးပေါင်းရင်းမြစ်များ

Mawuto Ga Wasu 11:29

Na wanalosho walya, orio mndu chandu awewoṙe, wakaiṙikyia iṙuo kyindo kyetarama wana wa wamawo kyiiṙi kya iiṙikyia wawekyekaa uruka lo Uyuda.

Waroma 11:4

Indi Ruwa nalemgaluo kuṙa? “Ngyiwoṙe wandu shiku mfungaaṙe walekyepfiria ndi mbele ya Baalyi.”

Waroma 12:15

Chihiyonyi hamwi na iwo waichihiyo; fiiṟenyi hamwi na walya waifiiṟa.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 9:22

Ko wafofo ngyilewa mfofo, kundu ngyigalutsie wafofo ura lo Yesu. Ngyilewa orio kyindo ko wandu woose, kundu kui njia tsoose ngyiiṙime ikyiṟa wandu.

2 Wakorinto 8:8

Ngyiṙeṙa kundu ngyimutsindikye-pfo, indi kui wuragari wo wandu wengyi ngyimanye wusimiri wo ikunda lyanyu.

2 Wakorinto 9:2

Kyipfa ngyiichi ikuṟeyeṟa lyanyu; ikuṟeyeṟa ngyekyekushelyia kyipfa kyanyu ko wandu wa Makyedonia, kye Akaya iwekuṟeyeṟie maka oose; na wuragari wonyu wulekarisha wafoi.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wagalatia 6:1

Wana wa wama wako, mndu kaasha kyindonyi kyoose, nyoe mukyeri wa Mumuyo mmbiyiṟenyi kui ngoo ya wuhoo, ochikuringa mrima opfo ulacheyesho.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 5:11

Kyasia, wiyiṟianenyi moo na iloshana orio mndu na oṙoe, chandu muiwuta.

2 Watesalonikye 3:9

Chi kye lulawewoṙe pfinya ya imuitika muluenengye shindo-pfo, kundu nyoe mukuloshie koṙu, muluoshe.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

Tito 2:4

Kundu waenengye waka wakoho wuṟango, wakunde wamii wawo, na ikunda wana wawo;

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 13:1

Ikundana cha wana wa mka lyikae ho.

Waebrania 13:3

Kumbuonyi walya wakyeri kyipfungonyi cha ilyi muwapfungye hamwi nawo; na iwo wailyiiyo mbaka, chandu na nyoe muilyiiyo mbaka.

Waebrania 3:13

Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

1 Yohane 3:18

Wana wako, lulakunde kui ṙeṙo, maa kui ulumi-pfo, indi kui mawuto na wuloi.