Waebrania 10:1 - Kivunjo New Testament 1999

¹ Kyasia uwawaso, kyipfa nyi kyirinje kya mecha gechicha, maa chi fana ya mecha-go-pfo, kui shiṙaso shilya shilya waleenengyia orio maka, shechiiṙima kyiyeri kyoose igaluo walya wekyecha iindia na iana Ruwa iwa wandu waafutsie-pfo.

Waebrania 10:1 ပူးပေါင်းရင်းမြစ်များ

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Wakolosai 2:17

Mbonyi-tso nyi kyirinje kya mbonyi tsiicha, indi mmbiu nyi o Kristo.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 7:11

Kyasia, kokooya kulawewoṙe wufofo wukohanyinyi wo Lewi; (kyipfa wandu waleenengo mawawaso kyipfa kya wukohanyi-wo), kuwewoṙe-se kyimaṙuma kya kyikyi kuwaṙe mkohanyi ungyi, ai cha Melyikyisedekyi, maa aletalo cha ilyi nai cha Aron?

Waebrania 8:5

Wekyeṟundia kyindo kyikyeri cha kyirinje kya ruwewu; chandu Mose alewio nyi Ruwa nawute, kyiyeri awekuṟeyeṟie iwika tengo lyilya; kyipfa nagamba, “Achikyia shindo shoose kui mfano ulya uleloṟo kulya fumvunyi.”

Waebrania 9:11

Kyaindi Kristo kamcha, akyeri Mkohanyi ang'anyi kuta woose o mbonyi tsicha tsechicha, ko tengo lyilya lying'anyi ngoseṟa na lyiafutsie, lyilalyiachikyie nyi wandu, kyimwi na igamba lyilakyeri lya wuyana-wu,

Waebrania 9:23

Kyasia, kyiwewaṟi nakala tsa shindo shikyeri ruwewu tsisanjo chandu kyamugambo, kyaindi shindo sha ruwewu imonyi shisanjo kui shiṙaso shishicha kuta isho.

Waebrania 9:25

Maa chi kye nakuwute kafoi, chandu Mkohanyi ang'anyi kuta woose ekyeiṙa na handu haele orio maka kui samu ilakyeri yakye-pfo.