Waebrania 1:14 - Kivunjo New Testament 1999

¹⁴ Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 1:14 ပူးပေါင်းရင်းမြစ်များ

Matayo 1:20

Kyasia-ng'u kyiyeri awekusaṟa isho, malaika o Mndumii kamchia ndoṙonyi, echigamba, “Yosefu, mana o Dawidi, ulaowuoe iṙuo Maria mka opfo, kyipfa ikyo kyikyimooge kokye nyi kui wuiṙimi wo Mumuyo Mweele.

Matayo 13:41

Mono-Adamu nechiṙuma malaika wakye, nawo wechisania iwuka ipfo Wumangyinyi wokye, woose wekyeende wunyamaṟi, na iwo wekyefunja mawawaso,

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 2:13

Na iwo wamuyende, malaika o Mndumii nalecha na ko Yosefu ndoṙonyi kagamba, “Yenda, uṙuo mana na wamae, uṙiche na Misiri, ukae pfo mṟasa ngyikuwie; kyipfa Herode nakundi ipfula mana namrumatse.”

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 4:11

Numa ya iho Mokyiriinzi kamleka; na malaika wakacha wakamtarama.

Mariko 10:17

Na lyilya awefuma iyenda njienyi, mndu umwi kacha eṙicha, kampfiria ndi, kammbesa, “Mlosha mcha, ngyiwute kyi ngyiiṙime ioṟa moo o mlungana?”

Luka 1:19

Malaika kamgaluo, kammbia, “Inyi nyi Kapreelyi, ngekyegoṟoka mbele ya Ruwa; na inyi ngaṙumo ngyiṙeṙe na iyoe na ikuwia mbonyi-tsi ngyicha.

Luka 1:23

Kyasia na lyilya mfiri ya kamba lyakye ileafukyia kayenda kanyi kokye.

Luka 16:22

Kyikawa kye mkyiwa ulya nalepfa, malaika wakamṙuo wakammbikyia kufuhi na Abrahamu. Mnjama ulya na oe kapfa, kaṟiko.

Luka 2:13

Cha ilyi wawei hamwi na malaika-cho, wuingyi o ngyuulyimalyi tsa ruwewu, wechiṟumisha Ruwa na igamba,

Luka 2:9

Malaika o Mndumii kacha na kowo walakuṟeyeṟie, mng'ano o Mndumii ukowaa ngyuura tsoose, wakaowuo mnu.

Mawuto Ga Wasu 11:22

Mbonyi tsa wandu-wo tsikashika ko wandu wa siṟi ya kulya Yerusalemu; wakaṙuma Barinaba, nayende mṟasa Antiokyia.

Mawuto Ga Wasu 12:23

Cha ilyi malaika o Ruwa kamkapa, cha kyipfa aleenenga Ruwa kyiṟumi-pfo. Shiwoṙoe shikamlya kapfa.

Mawuto Ga Wasu 12:7

Cha ilyi malaika o Ruwa kagoṟoka kufuhi na oe, ngyeela ikalyimika kulya kyiṟinyi, kakapa Petiro uwarinyi, kamwamtsa, echigamba, “Amka iwinyi.” Mshe iya ikawuka kulya mawoko kokye.

Mawuto Ga Wasu 13:2

Kyasia kyiyeri iwa waweiterewa Ruwa na ikuretekyia, Mumuyo Mweele kagamba, “Ngyisaangyienyi Barinaba na Saulyi ko iṟunda lyilya ngyilemulagia.”

Mawuto Ga Wasu 16:26

Cha ilyi kukowaṙa mṙeṙemo ung'anyi o uruka, numba iya ikakupaaya-paya yoose, na kyiyeri kyilya kyilya moongo ikaṟuguka, na shindo shiwepfungyie walya wawei kulya kyipfungonyi shikalekyia.

Mawuto Ga Wasu 27:23

Cha kyipfa kyio kya inu malaika o Ruwa ulya inyi ngyikyeri okye, na oe nyi oe ngyekyemwowuo na imterewa, nalegoṟoka kufuhi na inyi,

Mawuto Ga Wasu 5:19

kyaindi malaika o Mndumii kyiyeri kya kyio kapfunguo moongo ya numba iya wawewapfungyie, kawawuta pfo, kagamba,

Waroma 11:14

Kofia ngyeiṙima iwaenenga wunyenyi wandu wa samu yako ngyimonyi na ikyiṟa wandu waata.

Waroma 13:6

Lyingyi-se kyipfa kya ikyo taa mokyetaa kodi; kyipfa wo nyi waṟundi wa Ruwa, wechikaa iṟundenyi-lyo ilyo.

Waroma 15:16

kundu ngiwe mṟundi o Kristo Yesu wandunyi walakyeri Wayuda. Ngyiṟundie Ndumi Ngyicha ya Ruwa iṟunda lya wukohanyi, kundu wandu walakyeri Wayuda wawe kyiano kyechiambilyio, kyikamwilyiṟo nyi Mumuyo Mweele.

Waroma 15:27

Yee, kyachihiṟa wandu wa Makyedonia, lyingyi-se wairiko nyi wandu walya wafofo wa Yerusalemu. Cha kyipfa kokooya wandu walakyeri Wayuda waleambilyia iwuka kowo shindo sha mrima, kyawakooya wo iwatarama kui shienengo sha kyiwuyana.

Waroma 8:17

Na kokooya soe nyi wana, kyasia, soe nyi weoṟa mboṟa tsa Ruwa, wekyeoṟa hamwi na Kristo. Yee, lochituuro hamwi na oe kundu luweiṙima ing'anyiso hamwi na oe.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

2 Wakorinto 9:12

Kyipfa iṟunda-lya iṟunda-lyi chi lyetarama wandu wa Ruwa shindo shilya wauṟie tikyi-pfo, indi lyekyeengyeṟika mnu iwaṙa kyiira kui iana lying'anyi Ruwa ekyeenengo.

Wagalatia 3:29

Na kokooya nyoe nyi wandu wa Kristo, kyasia mowa wana wa Abrahamu, na weoṟa iṙuana na kyaasa.

Wagalatia 3:7

Kyasia manyenyi-ng'u kye walya wawoṙe iiṙikyia, iwo nyiwo wana wa Abrahamu.

Wagalatia 3:9

Kyasia iwo wakyeri wa iiṙikyia wekyewona mboṟa hamwi na Abrahamu awekyeri mndu awoṙe iiṙikyia.

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

Waefeso 2:17

Yee, maa kokooya ngyechiwoogo na kuṙo ngyiwe cha samu yawuto iwe kyiṙaso kyilya iiṙikyia lyanyu lyekyeenenga Ruwa. Ngachihiyo; lyingyi-se ngachihiyo hamwi na nyoe moose.

Waefeso 2:25

Kyaindi ngyilewona kyingyiwaṟi iṙuma Epafurodito konyu, mono-wama oko, alewuka konyu icheṟunda handu hamwi na inyi.

2 Watesalonikye 1:7

na imutaa nyoe muilyiso wukyiwa sia hamwi na soe; kyiyeri kya iloṟo lya Mndumii Yesu iwuka ruwewu hamwi na malaika wa wuiṙimi wokye.

Tito 3:7

kundu lukotalyio wusumganyi kui isaṟia lyakye, luiṙime iwa weoṟa wa moo o mlungana, chandu ikusuria lyaṙu lyikyeri.

Waebrania 10:11

Na orio mkohanyi nekyegoṟoka orio mfiri echiṟunda cha mkohanyi, na ienengyia shiṙaso shilya shilya kafong'ui; shiṙaso shilechiiṙima maa ale iwuta wunyamaṟi.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Waebrania 6:12

kundu mulaṙokuoe, indi muwe wandu wekyeosha walya wekyeoṟa shiteṟio kui iiṙikyia na wusimiri.

Waebrania 6:17

kyiiṙi kya mbonyi-tso Ruwa, akundi iloṟa ngoseṟa mnu walya wekyeoṟa kyaasa kyilya, chandu shilya akundi shilechiiṙima iilachika.

Waebrania 8:6

Kyaindi wulalu nawona iṟunda lyicha ngoseṟa, chandu akyeri mndu aṙuṙe ndago ya mma mcha, Ruwa nagambie kye wandu wakye wechiwona shindo shicha kuta isho.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 1:12

Wakaloṟo kye chi kyipfa kyawo wawenyi-pfo, indi kyipfa kyanyu waleṟunda ipfo shindonyi, shilya wulalu shalosho konyu na walya walemuongoya nyoe Ndumi Ngyicha kui Mumuyo Mweele aleṙumo iwuka ruwewu. Shindo-sho malaika walangyie ishimanya.

1 Petiro 1:4

Luwone na kyioṟa kyilekyenyamaṟika, kyilawoṙe ukoe, kyilekyesia, kyilekoomo ruwewu kyipfa kyanyu.

1 Petiro 3:7

Nyoe wasoṟo, kaenyi na waka wanyu kui wuṟango, muichi kye mka nyi kyiiya kyifafa; na muwe cha weoṟa hamwi na isaṟia lya moo, kundu iterewa lyanyu lyilashingyio nyi kyindo.

Yuda 1:14

Na Enokyi, mndu o mfungaaṙe numa ya Adamu, naleonguo shisuku kyipfa kyawo, echigamba, “Ambuya, Mndumii nalecha na waele wakye, shiku kui shiku,

Ulogo 5:6

Ngawona halya kyitimenyi kya mng'ano na walya waana wai na moo, na makyiṙi-gawi gawo wameeku walya, Kyiondo kya Ruwa kyigoṟokyi, kyikyeri cha ilyi kyamshinjo, kyiwoṙe membe mfungaaṙe na meso mfungaaṙe, shikyeri nyi mumuyo mfungaaṙe yekyeṟundia Ruwa ingyiṙume wuyanenyi koose.