Ulogo 9:1 - Kivunjo New Testament 1999

¹ Malaika o kataanu kakapa iganda, ngawona nyenyeri yawuka ruwewu, iolokyi wuyanenyi. Na oe kaenengo upfunguo lo ṟungu lya halya-ndu wandu wapfiie wekyekaa.

Ulogo 9:1 ပူးပေါင်းရင်းမြစ်များ

Luka 10:18

Kawawia, “Ngyilewona Satana, echioloka iwuka ruwewu cha mbawa.

Luka 8:31

Wakamterewa kawawuta alawafune wayende ṟungunyi.

Waroma 10:7

Ang'u, “Nyi wui echisoka iyenda ko waṟumu?” (Nyi kyimwi na iṙosia Kristo wuye, iwuka ko wapfu.)

Ulogo 1:18

na ai na moo; na inyi ngyiwepfiie na wulalu ngyii na moo mṟasa mlungana na mlungana. Na inyi ngyiwoṙe ngyuupfunguo tsa upfu, na tsa halya-ndu wapfu wekyekaa.

Ulogo 1:20

Wuṟikyi wo nyenyeri tsilya mfungaaṙe owona kuwokonyi koko ko kulyoe, na wuṟikyi wo shindo shilya mfungaaṙe sha sahapu. Nyenyeri tsilya mfungaaṙe nyi malaika wa siṟi tsilya mfungaaṙe; na shindo-sho mfungaaṙe nyi siṟi mfungaaṙe.”

Ulogo 11:7

Na kyiyeri wechimarisa wuṟingyishi wowo, indo lyilya lya saka lyiwukyie halya-ndu wandu wapfiie wekyekaa lyechikapana shiṙa nawo, nalyo lyechiwawinga na iwawaaga.

Ulogo 17:8

Indo lyilya olyiwona lyiwekyeri pfo, nalyo lyikyeri ho-pfo, nalyo lyikuṟeyeṟie iṙo iwuka halya-ndu wapfu wekyekaa na iyenda wunyamaṟinyi. Na iwo wekyekaa urukyenyi, marina gawo galamaṟeie kyitapunyi kya moo wookyia igumbo lya wuyana, wechiṟiyio kyiyeri wechiwona indo lyilya, kye lyiwekyeri pfo, nalyo lyikyeri ho-pfo, nalyo lyechicha.

Ulogo 20:1

Numa ya iho ngawona malaika echisoka iwuka ruwewu, awoṙe upfunguo lo kundu kulya wandu wapfiie wekyekaa, na mshe ung'anyi kuwokonyi kokye.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.

Ulogo 6:13

na nyenyeri tsikaoloka urukyenyi chandu mfumu okyetonyitsa ndunda ngyiwishi, kyiyeri okumo nyi mkuma ung'anyi.

Ulogo 8:10

Malaika o kaṟaaṟu kakapa iganda, nyenyeri ing'anyi ikaoloka iwuka ruwewu, iweaka cha taa. Ikaoloka kyifunjoenyi kyimwi kyiiṙi kya shifunjoe shiṟaaṟu sha mapichi, na shokyenyi tsa mṟinga.

Ulogo 8:12

Malaika o kaana kakapa iganda, kyifunjoe kyimwi kyiiṙi kya shifunjoe shiṟaaṟu sha mnengyeṟi kyikakapo, na kyifunjoe kyimwi kyiiṙi kya shifunjoe shiṟaaṟu sha mori, na kyifunjoe kyimwi kyiiṙi kya shifunjoe shiṟaaṟu sha nyenyeri, kundu kyifunjoe-kyo kyiwaṙe meema, kyingoto kyilawookye kyifunjoe kyacho kya kaṟaaṟu, maa kyio.

Ulogo 8:2

Na inyi ngawona malaika walya mfungaaṙe wekyegoṟoka mbele ya Ruwa, nawo wakaenengo maganda mfungaaṙe.

Ulogo 9:2

Kaṟuguo ṟungu lyilya. Mtsu ukoṙo iwuka kulya ṟungunyi, cha mtsu o riko lying'anyi; mnengyeṟi na ngyina shikawaṙa meema kyipfa kya mtsu ulya o ṟungunyi.