Ulogo 8:3 - Kivunjo New Testament 1999

³ Na malaika ungyi kacha kagoṟoka mbele ya mesa ya Mndumii, awoṙe kyindo kya sahapu kyekoṟia uvumba, kaenengo uvumba lufoi, kundu naluwikyie hamwi na shiterewo sha wandu wa Ruwa woose mesenyi ya Mndumii ya sahapu, ikyeri mbele ya kyitima kya mng'ano.

Ulogo 8:3 ပူးပေါင်းရင်းမြစ်များ

Luka 1:10

Na wuingyi woose wo wandu wawekyeri iterewa Ruwa nja ya hekalu kyiyeri kya ikoṟa uvumba.

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Waebrania 9:4

lyiwoṙe alyitaṟe ya sahapu, na sanduku ya mma ingyishikyie nyi sahapu ngyuura tsoose, sanduku iwewoṙe ikopo lya sahapu lyiwoṙe manna iya, na upoi lulya lo Aron lulekolooṟia maṟa, na shibau shilya sha mma;

Ulogo 10:1

Numa ya iho ngawona malaika ungyi awoṙe pfinya echisoka iwuka ruwewu, amṟikye ipuchi; na mkoṟi o mvuo wuye ya mṙoe okye na kyaam kyakye kyiwekyeri cha mnengyeṟi, na maṙende gakye cha ngoe tsa moṙo.

Ulogo 14:18

Na malaika ungyi kawuka halya mesenyi ya Mndumii, ulya awoṙe pfinya yechilyia moṙo; na oe kafiiṟia kui ṟui lying'anyi ulya awoṙe ishami lyilya lyiohi, echigamba, “Ira ishami lyapfo lyiohi, undehaa shiṙingo sha msabibu o urukyenyi, kyipfa sabibu tsa uruka tsiwiri mnu.”

Ulogo 5:8

Na kyiyeri amwambilyie kyitapu-kyo, iwo waana wai na moo na wameeku walya makumi gawi na waana wakaoloka mbele ya Kyiondo kyilya kya Ruwa, orio umwi owo awoṙe wuṙa wo ndusu, na pakulyi tsa sahapu tsiichuo shindo shekyepfaama necha, shikyeri nyi shiterewo sha wandu wa Ruwa.

Ulogo 6:9

Na kyiyeri alefunja kyindo kya kataanu kyeloṟa monyi o kyitapu kyilya, ngawona wanda ya mesa ya Mndumii mrima ya walya walewoogo kyipfa kya Ṙeṙo lya Ruwa, na kyipfa kya wuṟingyishi wawewoṙe.

Ulogo 7:2

Ngawona malaika ungyi echiṙo iwuka ura lo ngamenyi, awoṙe kyindo kyeloṟa kye kyindo nyi kya Ruwa, kawakalagatsia na ṟui lying'anyi malaika walya waana waleenengo iṟunda lyenyamaṟa uruka na ipalyipalyi,

Ulogo 8:4

Na mtsu o uvumba lulya ukoṙo mbele ya Ruwa hamwi na shiterewo sha wandu wa Ruwa, iwuka mawokonyi ga malaika.

Ulogo 8:5

Na malaika-cho kaira kyindo kyilya kyekoṟia uvumba, kakyiichuṟa moṙo o mesa ya Mndumii, kauwiyitsa urukyenyi, kukowaṙa ikuṟuṟuma na ṟui na mbawa na kyiriinza.

Ulogo 9:13

Malaika o kaṟandaaṟu kakapa iganda, ngaicho ṟui lyimwi, lyiwukyie ngyuurenyi tsa mesa ya Mndumii ya sahapu ikyeri mbele ya Ruwa,