Ulogo 8:2 - Kivunjo New Testament 1999

² Na inyi ngawona malaika walya mfungaaṙe wekyegoṟoka mbele ya Ruwa, nawo wakaenengo maganda mfungaaṙe.

Ulogo 8:2 ပူးပေါင်းရင်းမြစ်များ

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Luka 1:19

Malaika kamgaluo, kammbia, “Inyi nyi Kapreelyi, ngekyegoṟoka mbele ya Ruwa; na inyi ngaṙumo ngyiṙeṙe na iyoe na ikuwia mbonyi-tsi ngyicha.

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

1 Wakorinto 15:52

na cha mndu akyema, kyiyeri kya iraa lya mafurumionyi; kyipfa iganda lyechikapo, na wapfu wechiṟutso, walanyamaṟikye, na soe lochiilachika.

1 Watesalonikye 4:16

Cha kyipfa Mndumii amonyi nechisoka iwuka ruwewu, na wandu wechiicho ṟui lying'anyi lyilaga, na ṟui lya msongoru o malaika, na iganda lya Ruwa; na walya walepfa waiṙikyie Kristo wechiṟutso kuwooka.

Ulogo 1:4

Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.

Ulogo 11:15

Malaika o mfungaaṙe kakapa iganda, kukowaṙa maṟui gang'anyi ruwewu, gechigamba, “Wumangyi wo wuyana wommba Wumangyi wo Mndumii oṙu na wo Kristo okye, na oe nechichilyia mṟasa mlungana na mlungana.”

Ulogo 15:1

Numa ya iho ngawona kyiṟingyishio kyingyi ruwewu, kying'anyi; malaika mfungaaṙe wawoṙe ngapo tsa mafurumionyi; kyipfa ipfo ngaponyi nyashi ya Ruwa yaafukyia.

Ulogo 16:1

Ngaicho ṟui lying'anyi iwuka hekalunyi, lyechiwia malaika mfungaaṙe, “Yendenyi mundeletsia urukyenyi pakulyi tsilya mfungaaṙe tsa nyashi ya Ruwa.”

Ulogo 8:13

Numa ya iho ngawona na iicho mbeṟo irunduka ruwewu, yechigamba na ṟui lying'anyi, “Ochia, ochia, ochia walya wekyekaa urukyenyi! Kyipfa kya maṟui gatsugae ga maganda ga malaika gaṟaaṟu, wakuṟeyeṟie igakapa.”

Ulogo 8:6

Na malaika walya mfungaaṙe wawoṙe maganda mfungaaṙe wakaloṟa cha ilyi wakuṟeyeṟie igakapa.

Ulogo 9:1

Malaika o kataanu kakapa iganda, ngawona nyenyeri yawuka ruwewu, iolokyi wuyanenyi. Na oe kaenengo upfunguo lo ṟungu lya halya-ndu wandu wapfiie wekyekaa.