Ulogo 7:9 - Kivunjo New Testament 1999

⁹ Numa ya iho ngawona kyisanzionyi kying'anyi mnu kulawoṙe mndu eiṙima itala wandu-wo. Wandu wa orio isanga, orio mbaṟe, na kyishari, na mṙeṙie, wagoṟokyi mbele ya kyitima kyilya kya mng'ano, na mbele ya Kyiondo kya Ruwa. Wawaṟikye nguwo tsa uwiṟo, wawoṙe maṟamba ya maṟa gakyeri cha makangachi mawokonyi gawo;

Ulogo 7:9 ပူးပေါင်းရင်းမြစ်များ

Luka 12:1

Kyiyeri-kyo, wuingyi wo wandu wulesanza shiku kui shiku, mṟasa wakachumana, kawooka iwia wanalosho wakye kuwooka, “Kuringyenyi na chachu ya Mafarisayo, ya wukulembecheṟi.

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

Yohane 12:13

Wakafunja maṟamba ga mashiṙi gai cha makangachi, wakafumia nja indemwambilyia. Wakakalagatsa, wechigamba, “Mndumii naṟumisho! Ulya ammbikyie mboṟa aicha kui rina lya Mndumii, Mangyi o Isiraelyi!”

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Wafilyipi 6:13

Kyipfa kya ikyo irenyi shisha shoose sha Ruwa, muiṙime iwingana mfiri ya mawicho na mukommarisa shoose, igoṟoka.

Waebrania 11:12

Na kyipfa kya ikyo wakafeo nyi mndu umwi, na oe nawei cha apfiie, wandu wafoi cha nyenyeri tsa ruwewu, na cha mlelya ukyeri mbai ya ipalyipalyi, uleiṙima italo.

Waebrania 12:22

Indi nyoe mukokooya fumvu lya Sion, na mṟi o Ruwa ai na moo, Yerusalemu ya ruwewu, kundu kuwoṙe shiku sha malaika,

Ulogo 11:15

Malaika o mfungaaṙe kakapa iganda, kukowaṙa maṟui gang'anyi ruwewu, gechigamba, “Wumangyi wo wuyana wommba Wumangyi wo Mndumii oṙu na wo Kristo okye, na oe nechichilyia mṟasa mlungana na mlungana.”

Ulogo 22:3

Maa kochiwaṙa kyiseso kyoose-se-pfo. Na kyitima kya mng'ano kya Ruwa na kya Kyiondo kya Ruwa kyechikaa pfo. Na waṟundi wakye wechimṟundia.

Ulogo 3:18

Ngyikuwia kyindo kya wuṟango, uwuṟe koko sahapu ingyisanje kui moṙo, uiṙime iwa mnjama; na nguwo ngyiilyi uiṙime iṟaa, sonu ya kyiṟanguoe kyapfo ilawono; na mṙi o meso oshia meso gapfo, uiṙime iwona.

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 5:11

Ngawona na iicho ṟui lya malaika wafoi ngyuura tsoose tsa kyitima kyilya kya mng'ano, na ngyuura tsa walya wai na moo, na tsa wameeku walya, na itala lyawo lyiwei shiku ikumi ka shiku ikumi na kyiku ka kyiku,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.

Ulogo 6:11

Nawo wakaenengo orio umwi nguwo ngyileshi ya uwiṟo, wakawio wachihiyo kyipfa hatsugai kyiyeri kyitutu, mṟasa kyiyeri kya iafukyia itala lya wangari wawo iṟundenyi na wana wa wama wawo, wechiwawaaga wuṙo chawo.

Ulogo 7:8

Wa mbaṟe ya Sabulon shiku ikumi na shiwi. Wa mbaṟe ya Yosefu shiku ikumi na shiwi. Wa mbaṟe ya Benyamen shiku ikumi na shiwi wawawikye kyindo kyeloṟa kye nyi wa Ruwa.