Ulogo 7:3 - Kivunjo New Testament 1999

³ echigamba, “Maa mulanyamaṟe uruka, maa ipalyipalyi, maa mashiṙi, mṟasa kyiyeri lochimarisa iwikyia waṟundi wa Ruwa oṙu kyindo kyeloṟa kye nyi wa Ruwa ngyuushangunyi kowo.”

Ulogo 7:3 ပူးပေါင်းရင်းမြစ်များ

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

Ulogo 13:16

Nalyo lyikakunda wandu woose, watutu na wang'anyi, na wanjama na wakyiwa, na walawachilyie nyi kyindo na watumo, wawiko kyindo kuwokonyi kowo ko kulyoe, na ngyuushangunyi tsa shaam shawo.

Ulogo 13:17

Lyingyi-se kye mndu oose alaiṙime iwawuṟa maa iwakumba, sile awoṙe kyindo kyilya kyikyeri nyi rina lya indo lyilya, ang'u itala lya rina lyalyo.

Ulogo 14:1

Numa ya iho ngawona Kyiondo-kyo kya Ruwa kyigoṟokyi fumvunyi lya Sion, na wandu shiku igana na makumi gaana na shiina hamwi na oe, wawoṙe rina lyakye na rina lya Awu okye lyilyiṟeie ngyuushangunyi tsa shaam shawo.

Ulogo 14:9

Na malaika ungyi, o kaṟaaṟu, kaosha walya wengyi, echigamba kui ṟui lying'anyi, “Mndu oose katerewa na iindia indo-lyo na ifano lyalyo, na iwiko kyindo ushangunyi lo kyaam kyakye, ang'u kuwokonyi kokye,

Ulogo 19:2

Cha kyipfa njia tsakye tseanduya nyi tsa loi na tsa wusumganyi; kyipfa naanduya iṟai lyilya lying'anyi lyilenyamaṟa uruka kui wuṟui wolyo, na ilyiolotsia ngapo kyipfa lyilewaaga waṟundi wakye.”

Ulogo 20:4

Numa ya iho ngawona shitima sha mng'ano, wakaṙamia wuye yasho, nawo wakaenengo wuiṙimi wo ianduya. Na inyi ngawona mumuyo ya wandu walya walewaṙumbuo mṙoe kyipfa kya wuṟingyishi wo Yesu, na kyipfa kya Ṙeṙo lya Ruwa, na iwo walekyeterewa na iindia indo lyilya, maa ifano lyalyo, maa walaleambilyia kyindo kyeloṟa kye wo nyi wa indo-lyo ngyuushangunyi tsa shaam shawo, maa mawokonyi gawo. Nawo wakawaṙa moo, wakachilyia hamwi na Kristo maka kyiku.

Ulogo 22:4

Nawo wechimmbona kyaam kyakye, na rina lyakye lyechikaa ngyuushangunyi tsa shaam shawo.

Ulogo 6:6

Ngaicho cha ṟui kyiiṙi kya walya waana wai na moo, lyechigamba, “Kyipapa kya nganu ko rupia ingyigawe kawi, na shipapa shiṟaaṟu sha shayiri ko rupia ingyigawe kawi, maa ulanyamaṟe mafuṙa maa mpfinyo.”

Ulogo 7:1

Numa ya iho ngawona malaika waana wagoṟokyi ngyuurenyi tsiina tsa uruka, wechishingyia mkuma ina ya uruka, mkuma ulakume urukyenyi, maa ipalyipalyinyi, maa ikyiṙinyi lyoose.

Ulogo 7:2

Ngawona malaika ungyi echiṙo iwuka ura lo ngamenyi, awoṙe kyindo kyeloṟa kye kyindo nyi kya Ruwa, kawakalagatsia na ṟui lying'anyi malaika walya waana waleenengo iṟunda lyenyamaṟa uruka na ipalyipalyi,

Ulogo 9:4

Nzie-tso tsikawio tsilanyamaṟe maṟa ga urukyenyi, maa kyindo kyoose kyikyiwishi, maa ikyiṙi lyoose, sile wandu walawoṙe kyindo kyeloṟa kye wo nyi wa Ruwa ngyuushangunyi kowo.