Ulogo 6:2 - Kivunjo New Testament 1999

² Ngawona farasi ya uwiṟo, na ulya aweiṙamilyie nawoṙe uṙa, kaenengo oṟo, na oe kafuma, kundu nandewingana-se naiṙime iwinga.

Ulogo 6:2 ပူးပေါင်းရင်းမြစ်များ

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

1 Wakorinto 15:25

Cha kyipfa kyiwaṟi nachilyie oe, mṟasa nawingye washituwa woose.

Ulogo 11:15

Malaika o mfungaaṙe kakapa iganda, kukowaṙa maṟui gang'anyi ruwewu, gechigamba, “Wumangyi wo wuyana wommba Wumangyi wo Mndumii oṙu na wo Kristo okye, na oe nechichilyia mṟasa mlungana na mlungana.”

Ulogo 11:18

Na wandu walaiṙikyie Ruwa walesuo, nyashi yapfo nayo ikacha, na kyiyeri kya wapfu ianduyo kyikacha, na kyiyeri kya ienenga wori wowo waṟundi wapfo weonguo shisuku na waele, na iwo wekyeowuo na iindia rina lyapfo, watutu na wang'anyi na irumatsa iwo wekyelyisa wandu wukyiwa na iwaaga wandu.”

Ulogo 14:14

Numa ya iho ngawona ipuchi lya uwiṟo, na wuye ya ipuchi-lyo haṙamie umwi, ai cha mndu, awoṙe oṟo ya sahapu mṙoenyi kokye, na kuwokonyi kokye ko kulyoe nawoṙe ishami lyiohi.

Ulogo 15:2

Lyingyi-se ngawona kyindo kyikyeri cha ipalyipalyi lya kyiyewo lyilonganyi na moṙo, na walya wawingyie indo lyilya, na ifano lyalyo, lyilya rina lyalyo lyilyisende nyi itala lyilya, wawegoṟokyi mbai ya ipalyipalyi-lyo lya kyiyewo, wawoṙe ngyuuṙa tsa ndusu tsa Ruwa.

Ulogo 17:14

Iwa wechikapana shiṙa na Kyiondo kya Ruwa, na Kyiondo kya Ruwa kyechiwawinga, cha kyipfa kyo nyi Mndumii o wandumii na Mangyi o wamangyi; na iwo wakyeri hamwi na oe nyiwo wawalage na wasambuṟe, na wekyeafutsia shilya wateṟia.”

Ulogo 19:14

Na poo lya asikari wakyeri ruwewu wakamwosha, waṙamilyie farasi tsa uwiṟo na iṟaa nguwo ngyicha, ngyiilyi.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.

Ulogo 9:7

Na nzie-tso tsiweng'anyi cha farasi tsingyiṟeyeṟe ko shiṙa, na mṙoenyi tsiwewoṙe kyindo cha oṟo, kyifananyi na sahapu, na shaam shatso shiwekyeri cha shaam sha wandu.