Ulogo 5:5 - Kivunjo New Testament 1999

⁵ Na umwi o wameeku walya kangyiwia, “Ulafiiṟe; kyewona Simba iya ya mbaṟe ya Yuda, Mchilyi o kyishari kya Dawidi, oe nawinga naiṙime itaṟahuo kyitapu-kyo, na shindo shilya shakyo mfungaaṙe sheloṟa monyi okyo.”

Ulogo 5:5 ပူးပေါင်းရင်းမြစ်များ

Luka 23:28

Yesu kawaindukyia, echigamba, “Nyoe waka wa Yerusalemu, maa mulangyilyilyie inyi, indi lyilyienyi mrima yanyu na wana wanyu.

Luka 7:13

Kyiyeri Mndumii alemmbona nalewoṙo nyi fowa mrimenyi kammbia, “Maa ulafiiṟe.”

Luka 8:52

Na wandu woose wawefiiṟa na ikapa ṟanyi. Kawawia, “Maa mulafiiṟe, ichu apfa-pfo, indi nalaa maṙoe tupu.”

Yohane 20:13

Nawo wakammbia, “Nuilyilyia kyi?” Kawawia, “Kyipfa wawuta Mndumii oko iha; maa ngyiichi kundu wammbikyia-pfo.”

Waroma 1:3

Mbonyi tsa Mono-kye alefeo kyisharinyi kya Dawidi,

Waroma 15:12

Na lyingyi-se Yesaya nagamba, “Kochiwaṙa mndu kyisharinyi kya Yese, na oe nechichilyia wandu walakyeri Wayuda, nawo wechikusuria kokye.”

Waebrania 7:14

Kyipfa kyikyeri na pata kye Mndumii oṙu nalewuka kyisharinyi kya Yuda, mbaṟe ya wandu walya Mose alaleonguo kyindo kyawo kyoose ko mbonyi tsa wukohanyi.

Ulogo 1:1

Ishi nyi shindo Ruwa aleshukuya Yesu Kristo kundu nashiloṟe waṟundi wakye. Shindo shechiwutika iwinyi kyipfa Ruwa naṙumbuo shiwe kuṙo; na Yesu Kristo kashienenga malaika okye, malaika-cho kashishukuya Yohane na Yohane kashigamba ko wandu wa Ruwa.

Ulogo 22:16

“Inyi Yesu ngaṙuma malaika oko imuṟingyishia nyoe shindo shoose siṟinyi. Inyi ngyikyeri Mshari na Mana o Dawidi; nyenyeri iya ya ngamenyi yekyewaa.”

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.

Ulogo 4:10

nyi lyo-ndu wameeku-wo makumi gawi na waana wekyeoloka mbele yakye oe aṙamie kyitimenyi kya mng'ano. Nawo wekyepfiria ndi ulya ai na moo mṟasa mlungana na mlungana. Nawo wekyewiyitsa oṟo tsawo mbele ya kyitima kyilya kya mng'ano, wechigamba,

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 5:4

Na inyi ngafiiṟa mnu kyipfa halalewoneka mndu awaṟi ipfunguo kyindo-kyo, maa ikyiambuya.

Ulogo 6:1

Numa ya iho ngawona Kyiondo kya Ruwa kyiyeri kyiweipfunguo kyimwi kya shindo shilya mfungaaṙe sheloṟa monyi o kyitapu kyilya, ngaicho umwi o walya waana wai na moo echigamba, cha ṟui lya ikuṟuṟuma, “Nnjo!”

Ulogo 7:13

Umwi o wameeku walya kagaluo, kangyiwia, “Ngyesa wandu-wa wawaṟikye nguwo tsa uwiṟo nyi wakyi? Nawo wawukyie kwi?”