Ulogo 4:8 - Kivunjo New Testament 1999

⁸ Na iwa waana wai na moo, orio umwi nawewoṙe makungo gaṟandaaṟu; na ngyuura tsoose na kyanumba waweichuo meso, maa wekyeonyonya kyingoto maa kyio-pfo, wechigamba, “Mweele, Mweele, Mweele, Mndumii Ruwa Mopfinya, awekyeri pfo na akyeri pfo na echicha.”

Ulogo 4:8 ပူးပေါင်းရင်းမြစ်များ

Mawuto Ga Wasu 20:31

Koikyo laenyi kyiṙombo, mochikumbuo kye maka iṟaṟu, kyio na kyingoto, ngyileṙa iṙeṙia orio umwi onyu, ngyechilya wukyiwa wung'anyi mnu-pfo.”

2 Wakorinto 6:18

Ngyewa Awu konyu, na nyoe mochiwa wana koko wa kyisoṟo na wa kyika, Mndumii Mopfinya nagamba.”

1 Watesalonikye 2:9

Kyipfa wana wa wama, mukumburie wukyiwa woṙu na iṟaisho lyaṙu; cha kyipfa kyingoto na kyio luleṟunda lulacheewa ṟio ko mndu o konyu oose, lukomuongoya kuṙo Ndumi Ngyicha ya Ruwa.

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.

2 Timoteo 4:2

onguo Ṙeṙo lya Ruwa ukuṟeyeṟe kyiyeri kyicha na kyiyeri kyilakyicha kopfo. Ṟoṟoma kui pfinya, na iikyimbia kui wusimiri woose na malosho.

Waebrania 13:8

Yesu Kristo nyi oe ulya, ukou na inu na mṟasa mlungana.

Ulogo 1:4

Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.

Ulogo 1:8

Inyi nyi Alyifa na Omeka, mawookyionyi na mafurumionyi, Mndumii Ruwa nagamba, awekyeri pfo na akyeri pfo na echicha, Mopfinya.

Ulogo 11:17

wechigamba, “Lokuana iyoe, Mndumii Ruwa Mopfinya, uwekyeri pfo na ukyeri pfo, cha kyipfa nowuta wuiṙimi wopfo wung'anyi, na ichilyia.

Ulogo 14:11

Na mtsu o mawawio gawo ochiṙo na wuye mṟasa mlungana na mlungana, maa wawoṙe sia kyingoto maa kyio-pfo, iwo wekyeterewa na iindia indo-lyo na ifano lyalyo, na orio mndu aambilyia kyindo kyikyiṟeie rina lyalyo.

Ulogo 14:3

na iimba kyiimbo kyihya mbele ya kyitima kyilya kya mng'ano, na mbele ya walya waana wai na moo, na wameeku walya. Maa kuwoṙe mndu aleiṙima ikulosha kyiimbo kyilya-pfo, sile walya shiku igana na makumi gaana na shiina, waleguṟo urukyenyi.

Ulogo 15:3

Nawo waiimba kyiimbo kya Mose, mṟundi o Ruwa, na kyiimbo kya Kyiondo kya Ruwa, wechigamba, “Mawuto gapfo nyi gang'anyi, na ga maṟiyisho, iyoe Mndumii Ruwa Mopfinya; njia tsapfo nyi tsa wusumganyi na tsa loi, iyoe Mangyi o masanga.

Ulogo 15:7

Na umwi o walya waana wai na moo kaenenga malaika walya mfungaaṙe pakulyi mfungaaṙe tsa sahapu, tsiichuo nyashi ya Ruwa, ai na moo mṟasa mlungana na mlungana.

Ulogo 16:14

Iyo nyiyo mumuyo ya masatana, yekyewuta shindo sheṟiyisha, yekyewuka na iyenda ko wamangyi wa wuyana woose; iwasania ko shiṙa sha mfiri ulya ung'anyi o Ruwa Mopfinya.

Ulogo 16:7

Ngaicho na mesa-yo ya Mndumii yechigamba, “Yee, Mndumii Ruwa Mopfinya, njia tsapfo tseanduya nyi tsa loi na tsa wusumganyi.”

Ulogo 19:15

Na ushu luohi lokyewuka ṙumbunyi kokye kundu nakape nalo masanga. Na oe nechiwalyisa kui upoi lo kyichakari, na oe naichuma indo lyekamia mpfinyo ya nyashi ya Ruwa Mopfinya.

Ulogo 19:4

Na wameeku walya makumi gawi na waana, na walya waana wai na moo, wakaterewa na iindia Ruwa, aṙamie halya kyitimenyi kya mng'ano, wechigamba, “Amen, Haleluya.”

Ulogo 21:22

Na inyi ngyilewona pfo hekalu-pfo; cha kyipfa Mndumii Ruwa Mopfinya na Kyiondo kya Ruwa, nyilyo hekalu lyakye.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 4:6

Na mbele ya kyitima kyilya kya mng'ano hawewoṙe kyindo cha ipalyipalyi lya kyiyewo, cha koṟa; na halya kyitimenyi kya mng'ano, ngyuura tsoose tsa kyitima-kyo, hawewoṙe wandu waana wai na moo, waichuo meso mbele na numa.

Ulogo 4:9

Na iwo wai na moo kyiyeri waienenga kyiṟumi ulya aṙamie kyitimenyi kya mng'ano, na kyiṟumi, na iana, ulya ai na moo mṟasa mlungana na mlungana,

Ulogo 5:6

Ngawona halya kyitimenyi kya mng'ano na walya waana wai na moo, na makyiṙi-gawi gawo wameeku walya, Kyiondo kya Ruwa kyigoṟokyi, kyikyeri cha ilyi kyamshinjo, kyiwoṙe membe mfungaaṙe na meso mfungaaṙe, shikyeri nyi mumuyo mfungaaṙe yekyeṟundia Ruwa ingyiṙume wuyanenyi koose.

Ulogo 6:1

Numa ya iho ngawona Kyiondo kya Ruwa kyiyeri kyiweipfunguo kyimwi kya shindo shilya mfungaaṙe sheloṟa monyi o kyitapu kyilya, ngaicho umwi o walya waana wai na moo echigamba, cha ṟui lya ikuṟuṟuma, “Nnjo!”

Ulogo 6:6

Ngaicho cha ṟui kyiiṙi kya walya waana wai na moo, lyechigamba, “Kyipapa kya nganu ko rupia ingyigawe kawi, na shipapa shiṟaaṟu sha shayiri ko rupia ingyigawe kawi, maa ulanyamaṟe mafuṙa maa mpfinyo.”

Ulogo 7:11

Na malaika woose wawegoṟokyi ngyuura tsoose tsa kyitima kyilya kya mng'ano, na ngyuura tsa wameeku-wo, na tsa walya waana wai na moo, nawo wakaoloka na ndewu mbele ya kyitima kyilya kya mng'ano, wakaindia Ruwa,

Ulogo 7:15

Koikyo wakyeri mbele ya kyitima kya mng'ano kya Ruwa, nawo waimṟundia kyingoto na kyio hekalunyi lyakye, na oe aṙamie kyitimenyi kya mng'ano nechiala hema lyakye wuye yawo.