Ulogo 4:7 - Kivunjo New Testament 1999

⁷ Na icho o kuwooka ai na moo nawekyeri cha simba; na o kawi ai na moo nawekyeri cha igache; na o kaṟaaṟu ai na moo nawewoṙe kyaam kyikyeri cha kya mndu; na o kaana ai na moo nawekyeri cha mbeṟo irunduka.

Ulogo 4:7 ပူးပေါင်းရင်းမြစ်များ

1 Wakorinto 14:20

Wana wa wama wako, wuṟango wonyu wulawe cha wo wana watutu; kyaindi ko mbonyi tsa wuwicho wenyi cha wana wanangu, indi wuṟango wonyu wuwe cha wo wandu wapfulukyie.

Ulogo 4:6

Na mbele ya kyitima kyilya kya mng'ano hawewoṙe kyindo cha ipalyipalyi lya kyiyewo, cha koṟa; na halya kyitimenyi kya mng'ano, ngyuura tsoose tsa kyitima-kyo, hawewoṙe wandu waana wai na moo, waichuo meso mbele na numa.

Ulogo 6:3

Na kyiyeri alefunja kyindo kya kawi kyeloṟa monyi o kyitapu kyilya, ngaicho ulya o kawi ai na moo echigamba, “Nnjo!”

Ulogo 6:5

Na kyiyeri alefunja kyindo kya kaṟaaṟu kya kyitapu kyilya, ngaicho ulya o kaṟaaṟu ai na moo echigamba, “Nnjo!” Ngawona farasi ya njuu, na ulya aiṙamilyie nawoṙe kyindo kyepima shindo kuwokonyi kokye.

Ulogo 6:7

Na kyiyeri alefunja kyindo kya kaana kyeloṟa monyi o kyitapu kyilya, ngaicho ṟui lya ulya o kaana ai na moo echigamba, “Nnjo!”