Ulogo 4:5 - Kivunjo New Testament 1999

⁵ Na halya kyitimenyi kya mng'ano hakawuka mbawa na ṟui na ikuṟuṟuma. Na taa mfungaaṙe tsa moṙo tsileaka mbele ya kyitima kya mng'ano, nyiyo Mumuyo mfungaaṙe yekyeṟundia Ruwa.

Ulogo 4:5 ပူးပေါင်းရင်းမြစ်များ

Matayo 25:1

“Naaho-ng'u Wumangyi wo ruwewu wochifanana na wana wa kyika ikumi, waleira taa tsawo, wakafuma indeambilyia monyi wolyi.

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Mawuto Ga Wasu 2:3

Kukowaṙa ngyuulumi tsilekanyi-lekanyi, cha ngyuulumi tsa moṙo ukokaa mṙoenyi ko orio mndu awekyeri halya.

Ulogo 1:4

Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.

Ulogo 10:3

Na oe kafiiṟa na ṟui lying'anyi, chandu simba yekyesepfuo. Na kyiyeri alefiiṟa, makuṟuṟuma galya mfungaaṙe gakaṙeṙa.

Ulogo 11:19

Numa ya iho malaika kapfunguo Hekalu lya Ruwa lyikyeri ruwewu, na sanduku ya Ruwa ya mma ikawoneka kulya hekalunyi. Kukowaṙa mbawa, maṟui, makuṟuṟuma, kyiriinza na mvuo ya magoe ifoi mnu.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.

Ulogo 5:6

Ngawona halya kyitimenyi kya mng'ano na walya waana wai na moo, na makyiṙi-gawi gawo wameeku walya, Kyiondo kya Ruwa kyigoṟokyi, kyikyeri cha ilyi kyamshinjo, kyiwoṙe membe mfungaaṙe na meso mfungaaṙe, shikyeri nyi mumuyo mfungaaṙe yekyeṟundia Ruwa ingyiṙume wuyanenyi koose.

Ulogo 8:5

Na malaika-cho kaira kyindo kyilya kyekoṟia uvumba, kakyiichuṟa moṙo o mesa ya Mndumii, kauwiyitsa urukyenyi, kukowaṙa ikuṟuṟuma na ṟui na mbawa na kyiriinza.