Ulogo 4:4 - Kivunjo New Testament 1999

⁴ Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 4:4 ပူးပေါင်းရင်းမြစ်များ

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Luka 22:30

muiṙime ilya na inyo mesenyi yako Wumangyinyi woko; na iṙamia shitimenyi sha mng'ano, kunu mochianduya wandu wa mbaṟe ikumi na tsiwi tsa Isiraelyi.”

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Ulogo 11:16

Na wameeku walya makumi gawi na waana waṙamie mbele ya Ruwa shitimenyi shawo sha mng'ano wakaoloka na ndewu, wakaindia Ruwa,

Ulogo 14:3

na iimba kyiimbo kyihya mbele ya kyitima kyilya kya mng'ano, na mbele ya walya waana wai na moo, na wameeku walya. Maa kuwoṙe mndu aleiṙima ikulosha kyiimbo kyilya-pfo, sile walya shiku igana na makumi gaana na shiina, waleguṟo urukyenyi.

Ulogo 19:14

Na poo lya asikari wakyeri ruwewu wakamwosha, waṙamilyie farasi tsa uwiṟo na iṟaa nguwo ngyicha, ngyiilyi.

Ulogo 19:4

Na wameeku walya makumi gawi na waana, na walya waana wai na moo, wakaterewa na iindia Ruwa, aṙamie halya kyitimenyi kya mng'ano, wechigamba, “Amen, Haleluya.”

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 20:4

Numa ya iho ngawona shitima sha mng'ano, wakaṙamia wuye yasho, nawo wakaenengo wuiṙimi wo ianduya. Na inyi ngawona mumuyo ya wandu walya walewaṙumbuo mṙoe kyipfa kya wuṟingyishi wo Yesu, na kyipfa kya Ṙeṙo lya Ruwa, na iwo walekyeterewa na iindia indo lyilya, maa ifano lyalyo, maa walaleambilyia kyindo kyeloṟa kye wo nyi wa indo-lyo ngyuushangunyi tsa shaam shawo, maa mawokonyi gawo. Nawo wakawaṙa moo, wakachilyia hamwi na Kristo maka kyiku.

Ulogo 3:18

Ngyikuwia kyindo kya wuṟango, uwuṟe koko sahapu ingyisanje kui moṙo, uiṙime iwa mnjama; na nguwo ngyiilyi uiṙime iṟaa, sonu ya kyiṟanguoe kyapfo ilawono; na mṙi o meso oshia meso gapfo, uiṙime iwona.

Ulogo 4:10

nyi lyo-ndu wameeku-wo makumi gawi na waana wekyeoloka mbele yakye oe aṙamie kyitimenyi kya mng'ano. Nawo wekyepfiria ndi ulya ai na moo mṟasa mlungana na mlungana. Nawo wekyewiyitsa oṟo tsawo mbele ya kyitima kyilya kya mng'ano, wechigamba,

Ulogo 4:6

Na mbele ya kyitima kyilya kya mng'ano hawewoṙe kyindo cha ipalyipalyi lya kyiyewo, cha koṟa; na halya kyitimenyi kya mng'ano, ngyuura tsoose tsa kyitima-kyo, hawewoṙe wandu waana wai na moo, waichuo meso mbele na numa.

Ulogo 5:11

Ngawona na iicho ṟui lya malaika wafoi ngyuura tsoose tsa kyitima kyilya kya mng'ano, na ngyuura tsa walya wai na moo, na tsa wameeku walya, na itala lyawo lyiwei shiku ikumi ka shiku ikumi na kyiku ka kyiku,

Ulogo 5:14

Na walya waana wai na moo wakagamba, “Amen.” Na wameeku walya waleoloka, wakapfiria ndi.

Ulogo 5:6

Ngawona halya kyitimenyi kya mng'ano na walya waana wai na moo, na makyiṙi-gawi gawo wameeku walya, Kyiondo kya Ruwa kyigoṟokyi, kyikyeri cha ilyi kyamshinjo, kyiwoṙe membe mfungaaṙe na meso mfungaaṙe, shikyeri nyi mumuyo mfungaaṙe yekyeṟundia Ruwa ingyiṙume wuyanenyi koose.

Ulogo 5:8

Na kyiyeri amwambilyie kyitapu-kyo, iwo waana wai na moo na wameeku walya makumi gawi na waana wakaoloka mbele ya Kyiondo kyilya kya Ruwa, orio umwi owo awoṙe wuṙa wo ndusu, na pakulyi tsa sahapu tsiichuo shindo shekyepfaama necha, shikyeri nyi shiterewo sha wandu wa Ruwa.

Ulogo 6:11

Nawo wakaenengo orio umwi nguwo ngyileshi ya uwiṟo, wakawio wachihiyo kyipfa hatsugai kyiyeri kyitutu, mṟasa kyiyeri kya iafukyia itala lya wangari wawo iṟundenyi na wana wa wama wawo, wechiwawaaga wuṙo chawo.

Ulogo 7:11

Na malaika woose wawegoṟokyi ngyuura tsoose tsa kyitima kyilya kya mng'ano, na ngyuura tsa wameeku-wo, na tsa walya waana wai na moo, nawo wakaoloka na ndewu mbele ya kyitima kyilya kya mng'ano, wakaindia Ruwa,

Ulogo 7:9

Numa ya iho ngawona kyisanzionyi kying'anyi mnu kulawoṙe mndu eiṙima itala wandu-wo. Wandu wa orio isanga, orio mbaṟe, na kyishari, na mṙeṙie, wagoṟokyi mbele ya kyitima kyilya kya mng'ano, na mbele ya Kyiondo kya Ruwa. Wawaṟikye nguwo tsa uwiṟo, wawoṙe maṟamba ya maṟa gakyeri cha makangachi mawokonyi gawo;

Ulogo 9:7

Na nzie-tso tsiweng'anyi cha farasi tsingyiṟeyeṟe ko shiṙa, na mṙoenyi tsiwewoṙe kyindo cha oṟo, kyifananyi na sahapu, na shaam shatso shiwekyeri cha shaam sha wandu.