Ulogo 3:5 - Kivunjo New Testament 1999

⁵ Ulya mowinga nechiṟiko nguwo-tso ngyiilyi, maa ngyechiwuta rina lyakye kyitapunyi kya moo-pfo, na inyi ngyechiṟingyishia rina-lyo mbele ya Awu oko, na mbele ya malaika wakye.

Ulogo 3:5 ပူးပေါင်းရင်းမြစ်များ

Matayo 10:32

“Kyasia, orio mndu echingyiṟingyishia mbele ya wandu, na inyi ngyechimṟingyishia mbele ya Awu-yoko akyeri

Luka 10:20

Kyaindi mulachihiyo kyipfa kya ilyi waṟufui wawicho waimuindia; indi chihiyonyi kyipfa marina ganyu gamaṟeie ruwewu.”

Luka 12:8

“Na inyi ngyimmbia, orio mndu echingyiṟingyishia mbele ya wandu, Mana o Adamu nemṟingyishia mbele ya malaika wa Ruwa.

Waefeso 4:3

Yee, ngyikundi na iyoe taa, mongari o loi, utarame waka-wo; cha kyipfa walepfuṟukana hamwi na inyi ionguo Ndumi Ngyicha, na Kyilementi, na walya wengyi waleṟunda hamwi na inyi, walya marina gawo gakyeri kyitapunyi kyiwoṙe marina ga walya wawoṙe moo o loi uwukyie ko Ruwa.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 17:8

Indo lyilya olyiwona lyiwekyeri pfo, nalyo lyikyeri ho-pfo, nalyo lyikuṟeyeṟie iṙo iwuka halya-ndu wapfu wekyekaa na iyenda wunyamaṟinyi. Na iwo wekyekaa urukyenyi, marina gawo galamaṟeie kyitapunyi kya moo wookyia igumbo lya wuyana, wechiṟiyio kyiyeri wechiwona indo lyilya, kye lyiwekyeri pfo, nalyo lyikyeri ho-pfo, nalyo lyechicha.

Ulogo 19:8

Na oe namṟikye nguwo tsa uwiṟo tsiaka-aka, cha kyipfa nguwo ngyicha nyi mawuto ga wusumganyi ga wandu wa Ruwa.”

Ulogo 2:11

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga nechikyia iwiyitso kulya nduwenyi ya moṙo, kyindo kyikyeri nyi upfu lo kawi.’ ”

Ulogo 2:7

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga, ngyechimwenenga ilya ndunda tsa ikyiṙi lya moo, lyikyeri bustanyinyi ya Ruwa.’ ”

Ulogo 20:12

Ngawona wapfu, wang'anyi na watutu, wagoṟokyi mbele ya kyitima-kyo kya mng'ano; na shitapu shishipfunguoe; na malaika wakapfunguo kyitapu kyingyi, kyikyeri kya moo; na wapfu-wo wakaanduyo kui shindo shishiṟeie ipfo shitapunyi, iṙuana na mawuto gawo.

Ulogo 20:15

Na kokooya mndu oose alalewono amṟeie kyitapunyi kya moo, nalewiyitso kulya iruwenyi lya moṙo.

Ulogo 21:27

Na ipfo mṟinyi kochiwaṙa kyindo kyoose kyifafa-pfo, maa ulya ekyewuta shindo sha sonu ang'u iṙeṙa wongo-pfo, indi walya wawaṟeie kyitapunyi kya moo kya Kyiondo kya Ruwa.

Ulogo 22:19

Na mndu oose kawuta kyindo kyoose iwuka kunu mbonyinyi tsa wuikyimbi wo kyitapu-kyi, Ruwa nechisoka mndu-cho ṙombo lyakye halya ikyiṙinyi lya moo, na kulya mṟinyi mweele, mṟi ulya mbonyi tsacho tsingyiṟeie kunu kyitapunyi.

Ulogo 3:12

Ulya mowinga, ngyechimgaluo nawe ngoe hekalunyi lya Ruwa oko, maa echiwuka-se pfo maa ale-pfo. Na inyi ngyechiṟeia wuye yakye rina lya Ruwa oko, na rina lya mṟi o Ruwa oko, Yerusalemu-yo ngyihya, uisoka iwuka ruwewu ko Ruwa oko. Lyingyi-se ngyeṟeia wuye yakye rina lyako ngyimonyi, lyilya lyihya.

Ulogo 3:4

Kyaindi nuwoṙe marina maangu ipfo Saridi, wandu walekyefanyiṟa nguwo tsawo na ukoe. Nawo wechiyenda hamwi na inyi waṟee nguwo ngyiilyi cha itso, cha kyipfa wawaṟi.

Ulogo 6:11

Nawo wakaenengo orio umwi nguwo ngyileshi ya uwiṟo, wakawio wachihiyo kyipfa hatsugai kyiyeri kyitutu, mṟasa kyiyeri kya iafukyia itala lya wangari wawo iṟundenyi na wana wa wama wawo, wechiwawaaga wuṙo chawo.