Ulogo 22:4 - Kivunjo New Testament 1999

⁴ Nawo wechimmbona kyaam kyakye, na rina lyakye lyechikaa ngyuushangunyi tsa shaam shawo.

Ulogo 22:4 ပူးပေါင်းရင်းမြစ်များ

Matayo 5:8

Wagusu iwo wawoṙe mrima mmbaṙami; kyipfa iwo wechiwona Ruwa.

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

1 Wakorinto 13:12

Kyipfa kyiyeri kya wulalu luwonyi kui kyiyewo cha maushe-ushe. Kyiyeri kyilya lochiwona ushangu kui ushangu. Kyiyeri kya wulalu ngyiichi mbashu-mbashu. Kyiyeri kyilya ngyechimanya mnu chandu inyi ngyiichio mnu.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,

Ulogo 14:1

Numa ya iho ngawona Kyiondo-kyo kya Ruwa kyigoṟokyi fumvunyi lya Sion, na wandu shiku igana na makumi gaana na shiina hamwi na oe, wawoṙe rina lyakye na rina lya Awu okye lyilyiṟeie ngyuushangunyi tsa shaam shawo.

Ulogo 3:12

Ulya mowinga, ngyechimgaluo nawe ngoe hekalunyi lya Ruwa oko, maa echiwuka-se pfo maa ale-pfo. Na inyi ngyechiṟeia wuye yakye rina lya Ruwa oko, na rina lya mṟi o Ruwa oko, Yerusalemu-yo ngyihya, uisoka iwuka ruwewu ko Ruwa oko. Lyingyi-se ngyeṟeia wuye yakye rina lyako ngyimonyi, lyilya lyihya.

Ulogo 7:3

echigamba, “Maa mulanyamaṟe uruka, maa ipalyipalyi, maa mashiṙi, mṟasa kyiyeri lochimarisa iwikyia waṟundi wa Ruwa oṙu kyindo kyeloṟa kye nyi wa Ruwa ngyuushangunyi kowo.”