Ulogo 22:2 - Kivunjo New Testament 1999

² makyiṙi-gawi ga njia yakye ing'anyi. Na ura-lu na ura-lu lo mfo ulya, kuwewoṙe ikyiṙi lya moo, lyekyekumbia ndunda, mbaṟe ikumi na tsiwi, lyekyekumbia ndunda tsalyo orio mori; na maṟa ga ikyiṙi-lyo nyi gekyiṟa masanga.

Ulogo 22:2 ပူးပေါင်းရင်းမြစ်များ

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

Ulogo 2:7

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga, ngyechimwenenga ilya ndunda tsa ikyiṙi lya moo, lyikyeri bustanyinyi ya Ruwa.’ ”

Ulogo 21:21

Na moongo iya ikumi na iwi nyi lulu ikumi na tsiwi; orio moongo nyi lulu imwi. Na njia ya mṟi nyi sahapu ngyiilyi cha kyiyewo kyiwaṙami.

Ulogo 21:24

Na masanga gechichumia ngyeelenyi yacho. Na wamangyi wa uruka wechiende kyiṟumi kyawo na ipfo mṟinyi.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.

Ulogo 22:19

Na mndu oose kawuta kyindo kyoose iwuka kunu mbonyinyi tsa wuikyimbi wo kyitapu-kyi, Ruwa nechisoka mndu-cho ṙombo lyakye halya ikyiṙinyi lya moo, na kulya mṟinyi mweele, mṟi ulya mbonyi tsacho tsingyiṟeie kunu kyitapunyi.