Ulogo 2:7 - Kivunjo New Testament 1999

⁷ Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga, ngyechimwenenga ilya ndunda tsa ikyiṙi lya moo, lyikyeri bustanyinyi ya Ruwa.’ ”

Ulogo 2:7 ပူးပေါင်းရင်းမြစ်များ

Matayo 11:15

Awoṙe maṙwi, naaṙanyie.

Matayo 13:43

Nyilyo wasumganyi wechiaka-aka cha mnengyeṟi Wumangyinyi wo Awu-yawo. Awoṙe maṙwi, naaṙanyie.”

Matayo 13:9

Awoṙe maṙwi naaṙanyie.”

Mariko 4:9

Kagamba, “Awoṙe maṙwi geaṙanyia, naaṙanyie.”

Mariko 7:15

Kuwoṙe kyindo kyikyeri nja ya mndu kyekyeiṙa na kokye kyikaiṙima imfanyiṟa kyimṟumoe-pfo. Indi shilya shekyewuka kokye, nyisho shekyefanyiṟa mndu ulya. [

Mariko 7:16

Mndu kawaṙa maṙwi geaṙanyia, na naaṙanyie.]”

Luka 23:43

Yesu kammbia, “Ny'kyaloi, ngakuwia, inu kuṙi nochikaa hamwi na inyi paradiso heonyonya mlungana.”

Luka 8:8

Tsingyi tsikaoloka handu hawoṙe teri ngyicha; tsikaṙo, tsikakumbia orio imwi igana.” Kyiyeri aweiṙeṙa isho naleṙeṙa na ṟui lying'anyi echigamba, “Awoṙe maṙwi geaṙanyia naaṙanyie.”

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

1 Wakorinto 2:10

Kyaindi Ruwa nalushukuya soe kui Mumuyo. Kyipfa Mumuyo nekyeruwa-ruwa shoose, maa shindo sha Ruwa shikuokyie-okyie.

2 Wakorinto 12:4

Kye naleiro mṟasa Paradiso, kaicho maṙeṙo galekyeiṙima iṙeṙo, galakyeri sungusinyi mndu igaṙeṙa.

1 Yohane 2:13

Ngyimuṟeia nyoe waawu, cha kyipfa momanya ulya akyeri pfo wookyia mawookyionyi. Ngyimuṟeia nyoe wanakye, cha kyipfa mowinga ulya mmbicho. Ngamuṟeia nyoe wana, cha kyipfa momanya Awu.

Ulogo 13:9

Mndu awoṙe kuṙwi naicho.

Ulogo 14:13

Ngaicho ṟui iwuka ruwewu, lyechigamba, “Ṟeia. Wagusu wapfu wapfa wakuwoṙe na Mndumii wookyia wulalu. Yee, Mumuyo nagamba, waiṙime ionyonya numa ya ngyuukyiwa tsawo; cha kyipfa mawuto gawo gaioshana nawo.”

Ulogo 15:2

Lyingyi-se ngawona kyindo kyikyeri cha ipalyipalyi lya kyiyewo lyilonganyi na moṙo, na walya wawingyie indo lyilya, na ifano lyalyo, lyilya rina lyalyo lyilyisende nyi itala lyilya, wawegoṟokyi mbai ya ipalyipalyi-lyo lya kyiyewo, wawoṙe ngyuuṙa tsa ndusu tsa Ruwa.

Ulogo 2:11

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga nechikyia iwiyitso kulya nduwenyi ya moṙo, kyindo kyikyeri nyi upfu lo kawi.’ ”

Ulogo 2:17

Ulya awoṙe kuṙwi naicho mbonyi-tsi Mumuyo aiwia siṟi. Ulya mowinga ngyechimwenenga ṙombo lya Manna ingyiṟikye, na inyi ngyechimwenenga igoe lya uwiṟo, na wuye ya igoe-lyo hahaṟeie rina lyihya mndu alalyiichi sile ulya ailyiambilyia.’ ”

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.

Ulogo 22:17

Na Mumuyo na Mpora wagamba, “Nnjo! Ulya aichuoe nagambe, ‘Nnjo!’ Na awoṙo nyi nyoṙa nache; na akundi, nanyo mṟinga o moo kulawoṙe itaa kyindo.”

Ulogo 22:2

makyiṙi-gawi ga njia yakye ing'anyi. Na ura-lu na ura-lu lo mfo ulya, kuwewoṙe ikyiṙi lya moo, lyekyekumbia ndunda, mbaṟe ikumi na tsiwi, lyekyekumbia ndunda tsalyo orio mori; na maṟa ga ikyiṙi-lyo nyi gekyiṟa masanga.