Ulogo 2:5 - Kivunjo New Testament 1999

⁵ Kyasia, kumbuo nyi hanga uleoloka; uṙumbuye wunyamaṟi, uwute mawuto ga mfiri ya numa. Kyaindi ulandewute kuṙo, ngyiicha na kopfo, na inyi ngyechiwuta kyindo kyapfo kyeyekyia taa iho-ndu kyikyeri, ulandeṙumbuye wunyamaṟi.

Ulogo 2:5 ပူးပေါင်းရင်းမြစ်များ

Matayo 5:14

Nyoe nyi saa ya wuyana. Mṟi oiṙima ikuṟiika ukyeri wuye ya fumvu-pfo.

Matayo 5:15

Maa wandu wekyekoṟa taa na iiwikyia handu hakuṟiikyie-pfo, kyaindi handu hakuirie; nayo ikalyimikyia woose wakyeri numba.

Mariko 12:9

Kyasia monyi ṙema lya msabibu newuta kyi? Neecha na irumatsa waṙemi walya, na ṙema lyilya lya msabibu neenengyia wengyi.

Luka 1:17

Nechisonguo mbele yakye awoṙe pfinya tsa mrima cha tsilya tsa Elyiya, kundu nagaluo waawu wasanze na wana, na ienenga wawicho wuṟango wo wandu wasumganyi, na iṟeyeṟia Mndumii wandu wawaṟeyeṟie Wumangyi wo Ruwa.”

Luka 20:16

Nechicha na irumatsa waṙemi walya, na ṙema lyilya lya msabibu nechienenga wandu wengyi.” Kyiyeri waleicho isho, walegamba, “Ote! Shilawutikye isho!”

Wagalatia 5:4

Muwasaangye nyi Kristo, nyoe mukundi italyio wusumganyi kui mawawaso, mooloka na iwuka isaṟienyi.

Waefeso 2:15

muiṙime iwa wana wa Ruwa walaiwio kye wawawicho, maa walekyelemba, walawoṙe tewe rikyenyi lyilekyeicho, lyilakyeri njienyi ya sungusinyi. Walya kyiiṙi kyawo muwonekanyi cha ilyi mukyeri shimii wuyanenyi,

Waebrania 10:32

Kyaindi kumbuonyi mfiri ya mawookyionyi, iya kyiyeri mulewona ngyeela, mulekarishia iwingana lying'anyi lya fowa.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 1:20

Wuṟikyi wo nyenyeri tsilya mfungaaṙe owona kuwokonyi koko ko kulyoe, na wuṟikyi wo shindo shilya mfungaaṙe sha sahapu. Nyenyeri tsilya mfungaaṙe nyi malaika wa siṟi tsilya mfungaaṙe; na shindo-sho mfungaaṙe nyi siṟi mfungaaṙe.”

Ulogo 16:9

Wandu wakakoṟo nyi moṙo ung'anyi, nawo wakalahia rina lya Ruwa achilyie ngapo-tso; maa waleṙumbuya wunyamaṟi maa ienenga Ruwa kyiṟumi-pfo.

Ulogo 2:16

Kyasia ṙumbuya wunyamaṟi. Ulandeṙumbuye wunyamaṟi, ngyiicha na kopfo iwinyi, na inyi ngyechiwaṙa shiṙa nawo kui ushu lo ṙumbu lyako.

Ulogo 2:19

Ngyiichi mawuto gapfo, ikunda, iiṙikyia, wuṟundi na iweṙelyia lyapfo. Lyingyi-se kye mawuto gapfo ga mafurumionyi gang'ana kuta galya ga mawookyionyi.

Ulogo 2:2

Ngyiichi mawuto gapfo, na wukyiwa wopfo, na iweṙelyia lyapfo, na kye oiṙima ikaa na wandu wawicho-pfo. Lyingyi-se nuleyesha walya wekyegamba kye wo nyi wasu, nawo chi wasu-pfo, kowona kye wekyeṙeṙa wongo.

Ulogo 3:19

Woose ngyiwakundi ngyekyewaṟoṟoma na iwatoṟisha. Kyasia waṙa wuragari, uṙumbuye wunyamaṟi.