Ulogo 2:3 - Kivunjo New Testament 1999

³ Lyingyi-se nuwewoṙe iweṙelyia na ikarishia kyipfa kya rina lyako, maa ulewina-pfo.

Ulogo 2:3 ပူးပေါင်းရင်းမြစ်များ

Mariko 15:21

Wakaitika mndu aweiiṙa, awukyie mṙemenyi, Simion o Kyirene, awu-yawo Iskanda na Ṟufo, kundu naṙuo msalaba okye.

Luka 14:27

Mndu oose alechiṙuo msalaba okye na ingyiosha, echiiṙima iwa manalosho oko-pfo.

Luka 18:1

Kawawia mfano, kye kyawakooya iterewa Ruwa mfiri yoose, maa walapfiio nyi mṙoe.

Luka 21:19

Na nyoe kui wusimiri wonyu mochikyiṟa mrima yanyu.”

Luka 5:5

Simion kagaluo, kagamba, “Mndumii, ang'anyi, luwinie kyio kyoose lulawone kyindo, kyaindi kui ṙeṙo lyapfo ngyesotsia ndusu nduwenyi.”

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Waroma 12:12

Kui ikusuria, mochichihiyo; fowenyi, mochiweṙelyia; kyiiṙi kya iterewa, kyiyeri kyoose.

Waroma 16:12

Ngyiiṟikyiṟienyi Turufaina na Turufosa, wawoṙe wuragari kyiiṙi kya Mndumii. Ngyiiṟikyiṟienyi Perisisi, mkunde alewika wuragari mnu kyiiṙi kya Mndumii.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

Waroma 8:25

Indi lukoweṙelyia kyindo lulakyiwonyi, lokyiweṙelyia kui wusimiri.

1 Wakorinto 13:7

Lyekyekarishia shoose; lyekyeiṙikyia shoose; lyiwoṙe ikusuria; lyekyekarishia shoose.

1 Wakorinto 16:16

Indienyi wandu cha iwo, na orio mndu ekyeṟunda na ikulyisa wukyiwa hamwi nawo.

2 Wakorinto 10:15

Maa luikushela kuta chandu kyiwaṟi, kyipfa kya iṟunda lya wandu wengyi-pfo; indi ikusuria lyaṙu nyi kye chandu iiṙikyia lyanyu lyiengyeṟika, iṟunda lyaṙu konyu lyeng'ana,

2 Wakorinto 11:23

Wo nyi waṟundi wa Kristo? (Ngyiṙeṙa cha msuko), inyi nyi ngoseṟa. Wukyiwenyi nyi ngoseṟa mnu; shipfungonyi nyi ngoseṟa mnu; kyiiṙi kya ikapo nyi ngoseṟa na kuta; kyiiṙi kya ikyia upfu kyiyeri kyileshi.

2 Wakorinto 4:1

Kyipfa kya ikyo, cha kyipfa luwoṙe iṟunda-lyi, chandu lulewona isaṟia, luiloloma-pfo.

2 Wakorinto 4:16

Koikyo luiloloma-pfo; indi maa chandu kyanja mmbiu yaṙu iloṟa iuṟa pfinya; mrimenyi koṙu lukokohoka orio mfiri.

2 Wakorinto 5:9

Koikyo-se, kokooya lukyeri iha ang'u lukyeri iha-pfo, luipfuṟukana imchihiṟa oe.

2 Wakorinto 6:5

Ngaponyi, shipfungonyi, wuṟiingyinyi, ilya wukyiwa, ilaa kyiṙombo, ikuretekyia.

Wagalatia 6:2

Taramanenyi na iosha iwawaso lya Kristo.

Wagalatia 6:9

Lyingyi-se maa lulalemo iwuta shindo shicha; kyipfa lochisambuo ilyi kyiyeri kyechishika, lulandewine.

Waefeso 2:16

mochiosha mbonyi tsekyeende moo, ngyiwone kyimaṙuma kya ikushela mfiri ulya Kristo echiwuya, kye ngyileṙicha wulya maa ikuwinisha wulya-pfo.

Waefeso 4:3

Yee, ngyikundi na iyoe taa, mongari o loi, utarame waka-wo; cha kyipfa walepfuṟukana hamwi na inyi ionguo Ndumi Ngyicha, na Kyilementi, na walya wengyi waleṟunda hamwi na inyi, walya marina gawo gakyeri kyitapunyi kyiwoṙe marina ga walya wawoṙe moo o loi uwukyie ko Ruwa.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 2:9

Kyipfa wana wa wama, mukumburie wukyiwa woṙu na iṟaisho lyaṙu; cha kyipfa kyingoto na kyio luleṟunda lulacheewa ṟio ko mndu o konyu oose, lukomuongoya kuṙo Ndumi Ngyicha ya Ruwa.

1 Watesalonikye 5:12

Kyaindi, wana wa wama, lukundi mumanye walya wekyekutuura kyipfa kyanyu, na imugoṟokyia nyoe kyiiṙi kya Mndumii, na imuikyimbia;

2 Watesalonikye 3:13

Kyaindi nyoe, wana wa wama, maa mulapfiiyo nyi mṙoe kyiiṙi kya iwuta shindo shicha.

2 Watesalonikye 3:5

Mndumii namusongoye mrima yanyu muambilyie ikunda lya Ruwa na wusimiri wo Kristo.

2 Watesalonikye 3:8

Maa lulelya kyelya ko mndu oose kui imteng'elyia-pfo indi kui wukyiwa na matuuro, kyio na kyingoto luleṟunda, kundu mndu oose o konyu alaluenengye kyindo kulawoṙe imtaa.

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

1 Timoteo 5:17

Wameeku wa siṟi wekyechilyia necha na watalo kye wawaṟi iindio ngoseṟa, ngoseṟa walya wekyekuwinisha iṙeṙa mbele ya wandu na ilosha.

Waebrania 10:36

Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Waebrania 13:13

Kyasia lufume luyende kokye nja ya handu wandu wekyekaa, na imino hamwi na oe.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

Waebrania 6:12

kundu mulaṙokuoe, indi muwe wandu wekyeosha walya wekyeoṟa shiteṟio kui iiṙikyia na wusimiri.

Waebrania 6:15

Na kuṙo kui isimiria kawona kyaasa kyilya.

2 Petiro 1:6

Na wuṟangonyi wonyu meena, na meenenyi onyu wusimiri; na wusimirinyi wonyu iowuo na iindia Ruwa.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 3:10

Cha kyipfa noosha mawawaso gako ga ikarishia, inyi ngyechikuringa, ulekane na kyiyeri kyilya kya iyesho kyikyiṟeyeṟe icha na wuyanenyi, iyesha walya wekyekaa urukyenyi.