Ulogo 18:2 - Kivunjo New Testament 1999

² Kafiiṟa na ṟui lying'anyi, echigamba, “Nooloka, nooloka Babelyi ung'anyi, nowa kanyi ko masatana, na moombo o orio mumuyo mmbicho, na moombo o orio kyileye kyiwicho kyekyeenenga wandu isuo;

Ulogo 18:2 ပူးပေါင်းရင်းမြစ်များ

Ulogo 1:15

na maṙende gakye aṟeṟa ngyiilyiṟe mnu, cha ilyi ingyisanje nyi moṙo ung'anyi; na ṟui lyakye cha ṟui lya mṟinga ufoi.

Ulogo 10:3

Na oe kafiiṟa na ṟui lying'anyi, chandu simba yekyesepfuo. Na kyiyeri alefiiṟa, makuṟuṟuma galya mfungaaṙe gakaṙeṙa.

Ulogo 11:8

Na mnying'a yawo yechikaa njienyi ya mṟi ulya ung'anyi, okyelago Sodoma kui mbaṟe ya mrima, na Misiri, lyingyi-se nyiho handu Mndumii owo alekapio msalabenyi.

Ulogo 14:15

Na malaika ungyi kawuka hekalunyi, echimfiiṟia kui ṟui lying'anyi ulya aweṙamie wuye ya ipuchi lyilya. “Ira ishami lyapfo, undesambuo; cha kyipfa kyiyeri kyesambuo kyamcha; kyipfa shilyimu sha urukyenyi shammba shesambuo.”

Ulogo 14:8

Numa ya iho ngawona malaika ungyi o kawi, echiosha, echigamba, “Nooloka, nooloka, iyoe Babelyi, mṟi ulya ung'anyi, kyipfa nyicho ulerutsa masanga goose mpfinyo ya nyashi ya wuṟui.”

Ulogo 16:13

Ngawona mumuyo iṟaṟu ya wunyamaṟi ifananyi na shilo, yechiwuka ṙumbunyi lya injoka lyilya, na ṙumbunyi lya indo lyilya, na lya moonguo shisuku ulya o wongo.

Ulogo 16:19

Na mṟi ulya ung'anyi ukopaṟika shifunjoe shiṟaaṟu; na mṟi ya masanga ikaoloka; na kulawoṙe iwaṙima, Ruwa karutsa Babelyi kyiṙoonyi mpfinyo o nyashi yakye.

Ulogo 17:18

Na mndu mka ulya ulemmbona, nyi mṟi ulya ung'anyi, uwoṙe wumangyi wuchilyie wamangyi wa uruka.”

Ulogo 17:5

Na ushangunyi lo kyaam kyakye hawehaṟeie rina lyiwoṙe kyitambuluo kya wuṟikyi: “BABELYI ANG'ANYI, MAMA O MAṞAI NA MAWICHO GA URUKA.”

Ulogo 18:10

wechigoṟoka kuleshi kui wuowu wo mawawio gakye, wechigamba, “Ochia, ochia mṟi ulya ung'anyi, Babelyi, mṟi ulya uwoṙe pfinya! Cha kyipfa kui kyiyeri kyifuhi ianduyo lyapfo lyamcha.”

Ulogo 18:21

Na malaika umwi awoṙe pfinya kaira igoe, igoe lying'anyi cha ikyesa, kalyiwiyitsa ipalyipalyinyi, echigamba, “Kuṙi kui pfinya ing'anyi, mṟi o Babelyi ochiwiyitso; mṟi ulya ung'anyi, maa ochiwono-se maa ale-pfo.

Ulogo 5:2

Ngawona malaika awoṙe pfinya ailosha Ṙeṙo lya Ruwa na ṟui lying'anyi, echigamba, “Nyi wui awaṟi ifunja shindo-shi sheloṟa monyi okyo na itaṟahuo kyitapu-kyi?”