Ulogo 15:1 - Kivunjo New Testament 1999

¹ Numa ya iho ngawona kyiṟingyishio kyingyi ruwewu, kying'anyi; malaika mfungaaṙe wawoṙe ngapo tsa mafurumionyi; kyipfa ipfo ngaponyi nyashi ya Ruwa yaafukyia.

Ulogo 15:1 ပူးပေါင်းရင်းမြစ်များ

Ulogo 21:9

Umwi o malaika walya mfungaaṙe kacha, walya wawewoṙe pakulyi tsilya mfungaaṙe tsiweichuo ngapo tsa mafurumionyi, na oe kaṙeṙa na inyi, echigamba, “Nnjo na kunu, na inyi ngyechikuloṟa Mpora, mka o Kyiondo kya Ruwa.”

Ulogo 19:15

Na ushu luohi lokyewuka ṙumbunyi kokye kundu nakape nalo masanga. Na oe nechiwalyisa kui upoi lo kyichakari, na oe naichuma indo lyekamia mpfinyo ya nyashi ya Ruwa Mopfinya.

Ulogo 16:1

Ngaicho ṟui lying'anyi iwuka hekalunyi, lyechiwia malaika mfungaaṙe, “Yendenyi mundeletsia urukyenyi pakulyi tsilya mfungaaṙe tsa nyashi ya Ruwa.”

Ulogo 14:19

Malaika ulya kawiyitsa ishami lyakye mṟasa urukyenyi, kahaa msabibu o uruka, kawiyitsa sabibu kulya indonyi lying'anyi lyekamia sabibu lya nyashi ya Ruwa.

Ulogo 14:10

nechinyo mpfinyo o nyashi ya Ruwa ingyiṟeyeṟe, kulawoṙe isanzo-sanzo na mṟinga, kyiṙoonyi kya nyashi yakye; na oe nechilyiso wukyiwa kui moṙo na kyipiriti mbele ya malaika waele, na mbele ya Kyiondo kya Ruwa.

Ulogo 11:14

Ochia lo kawi lomwiṙa; ochia lo kaṟaaṟu luicha iwinyi.

Ulogo 10:3

Na oe kafiiṟa na ṟui lying'anyi, chandu simba yekyesepfuo. Na kyiyeri alefiiṟa, makuṟuṟuma galya mfungaaṙe gakaṙeṙa.

Ulogo 8:6

Na malaika walya mfungaaṙe wawoṙe maganda mfungaaṙe wakaloṟa cha ilyi wakuṟeyeṟie igakapa.

Ulogo 8:13

Numa ya iho ngawona na iicho mbeṟo irunduka ruwewu, yechigamba na ṟui lying'anyi, “Ochia, ochia, ochia walya wekyekaa urukyenyi! Kyipfa kya maṟui gatsugae ga maganda ga malaika gaṟaaṟu, wakuṟeyeṟie igakapa.”

Ulogo 8:2

Na inyi ngawona malaika walya mfungaaṙe wekyegoṟoka mbele ya Ruwa, nawo wakaenengo maganda mfungaaṙe.

Ulogo 9:20

Na wandu walya waletsugaa, walaiwoogo kui ngapo-tso, walelekana na mafano walegaachikyia-pfo, wakaengyeṟa iindia masatana, na mafano ga sahapu, ga heleri, ga aṟeṟa, ga magoe na ga mashiṙi, galekyeiṙima iwona maa iicho maa ichumia.

Ulogo 17:1

Umwi o malaika walya mfungaaṙe kacha; malaika wawoṙe pakulyi mfungaaṙe, kaṙeṙa na inyi, echigamba, “Nnjo na kunu, ngyikuloṟe ianduyo lya iṟai lyilya lying'anyi mnu lyiṙamie mṟingyenyi ufoi.