Ulogo 13:7 - Kivunjo New Testament 1999

⁷ Lyingyi-se lyikaenengo ikapana shiṙa na wandu wa Ruwa na iwawinga, lyikaenengo wuiṙimi wo chilyia orio mbaṟe ya wandu na kyishari na mṙeṙie na isanga.

Ulogo 13:7 ပူးပေါင်းရင်းမြစ်များ

Luka 4:6

Mokyiriinzi kammbia, “Ishi shoose ngyechikuenenga, na wung'anyi wosho kyipfa nyi shako na inyi ngyekyeenenga orio mndu chandu ngakunda.

Yohane 19:11

Yesu kamgaluo, kagamba, “Iyoe uwechiwaṙa wuiṙimi woose wo ingyichilyia, kokooya Ruwa alawekuenengyie wuchilyi-wo-pfo. Koikyo icho angyiende na kopfo nawoṙe ṙeko lying'anyi kuta.”

Ulogo 10:11

Wakangyiwia, “Kyikuwaṟi ionguo shisuku-se ko wandu na isanga na mṙeṙie na wamangyi wafoi.”

Ulogo 11:18

Na wandu walaiṙikyie Ruwa walesuo, nyashi yapfo nayo ikacha, na kyiyeri kya wapfu ianduyo kyikacha, na kyiyeri kya ienenga wori wowo waṟundi wapfo weonguo shisuku na waele, na iwo wekyeowuo na iindia rina lyapfo, watutu na wang'anyi na irumatsa iwo wekyelyisa wandu wukyiwa na iwaaga wandu.”

Ulogo 11:7

Na kyiyeri wechimarisa wuṟingyishi wowo, indo lyilya lya saka lyiwukyie halya-ndu wandu wapfiie wekyekaa lyechikapana shiṙa nawo, nalyo lyechiwawinga na iwawaaga.

Ulogo 12:17

Injoka lyikasuo kyipfa kya mndu mka ulya, lyikayenda lyikakapana shiṙa na wandu wa kyishari kya mndu mka-cho waletsugaa, wekyeosha shilya mawawaso ga Ruwa gakundi na iwaṙa wuṟingyishi wo Yesu, na oe kagoṟoka mlelyenyi o ipalyipalyi.

Ulogo 17:15

Numa ya iho kangyiwia, “Mṟinga ulya owona, handu iṟai lyilya lyiṙamie, nyi kyishari na wandu wa kyisanzionyi na masanga na mṙeṙie.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.