Ulogo 13:6 - Kivunjo New Testament 1999

⁶ Lyikatambaṟuo ṙumbu lyalyo lyilahie Ruwa, na ilahia rina lyakye, na halya-ndu ekyekaa, na walya wekyekaa ruwewu.

Ulogo 13:6 ပူးပေါင်းရင်းမြစ်များ

Matayo 12:34

Nyoe maalea ga njoka, moiṙima kuṙa iṙeṙa shindo shicha, mui wawicho? Kyipfa, ṙumbu lya mndu lyekyeṙeṙa shilya shiichuṟie mrima-cho okye.

Matayo 15:19

Cha kyipfa mrimenyi kokyewuka makusaṟo mawicho, uwaagi, wuṟui, wuiwi, wuṟingyishi wo wongo, na shilahio.

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Waroma 3:13

Uṟoo lowo nyi kyilome kyilakyishikyie, kui ngyuulumi tsawo walewika ngyeṟo wekyeṙeṙa shindo shikyeri cha uṟoi lo njoka.

Wakolosai 1:19

Cha kyipfa kyilechihiṟa iafutsio lya Ruwa lyoose lyikae kyiiṙi kya Kristo.

Wakolosai 2:9

Kyipfa kyiiṙi kyakye nyi pfo-ndu iafutsia lyoose lya Ruwa lyikyeri, kui mbaṟe ya kyimmbiu.

Waebrania 9:2

Kyipfa tengo lyileachikyio, lyilya lya ipfo kyanja, handu hawewoṙe handu heyekyia taa, na mesa, na mkate ngyiele; nyiho halelago “Haele.”

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

Ulogo 11:12

Wakaicho ṟui iwuka ruwewu lyechiwawia, “Ṙonyi mṟasa kunu.” Wakaṙo na ruwewu wakyeri ipuchinyi, washituwa wawo wewaambuya.

Ulogo 12:12

Koikyo kapenyi ngulyilyi na ngoru, nyoe moose mokyekaa ruwewu. Ochia lonyu nyoe mokyekaa urukyenyi na ipalyipalyinyi! Cha kyipfa Mokyiriinzi ulya nasoka na konyu awoṙe nyashi ing'anyi, aichi kye nawoṙe kyiyeri kyifuhi tikyi.”

Ulogo 15:5

Na numa ya iho ngawona hekalu lya hema lya wuṟingyishi ruwewu lyechiṟuguka.

Ulogo 18:20

Chihiyonyi kyipfa kyacho, lanyoe wandu mokyekaa ruwewu, na nyoe wandu wa Ruwa na wasu na weonguo shisuku; cha kyipfa Ruwa amwuuanduya kyipfa kya shindo ulemmbutia nyoe.

Ulogo 21:3

Ngaicho ṟui lying'anyi iwuka kyiṙinyi kya mng'ano lyechigamba, “Handu ha Ruwa hekaa nyi hamwi na wandu, na oe nechikaa handu hamwi nawo, nawo wechiwa wandu wakye na oe nechiwa Ruwa owo.

Ulogo 4:1

Numa ya iho ngaloṟo kyindo kyingyi, ngawona moongo uiṟuguka ruwewu, na ṟui lyilya lya kuwooka ngyilelyiicho cha ṟui lya iganda lyechiṙeṙa na inyi, lyechigamba, “Ṙo mṟasa kunu, na inyi ngyechikuloṟa shindo shiwaṟi icha numa ya isho.”

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 5:13

Na orio kyindo kyigumbe kyikyeri ruwewu na urukyenyi na wanda ya uruka na wuye ya ipalyipalyi, na shindo shoose shikyeri ipfo ipalyipalyinyi, ngyilechiicho shechigamba, “Mboṟa na iindio na kyiṟumi na wuiṙimi nyi wo ulya aṙamie kyitimenyi kya mng'ano, na Kyiondo kya Ruwa, mṟasa mlungana na mlungana.”

Ulogo 7:15

Koikyo wakyeri mbele ya kyitima kya mng'ano kya Ruwa, nawo waimṟundia kyingoto na kyio hekalunyi lyakye, na oe aṙamie kyitimenyi kya mng'ano nechiala hema lyakye wuye yawo.

Ulogo 7:9

Numa ya iho ngawona kyisanzionyi kying'anyi mnu kulawoṙe mndu eiṙima itala wandu-wo. Wandu wa orio isanga, orio mbaṟe, na kyishari, na mṙeṙie, wagoṟokyi mbele ya kyitima kyilya kya mng'ano, na mbele ya Kyiondo kya Ruwa. Wawaṟikye nguwo tsa uwiṟo, wawoṙe maṟamba ya maṟa gakyeri cha makangachi mawokonyi gawo;