Ulogo 13:5 - Kivunjo New Testament 1999

⁵ Nalyo lyikaenengo ṙumbu lyeṙeṙa shindo shing'anyi, shelahia Ruwa. Lyikaenengo wuiṙimi wo ṟunda kyiyeri kya mori makumi gaana na iwi.

Ulogo 13:5 ပူးပေါင်းရင်းမြစ်များ

2 Watesalonikye 2:3

Mndu oose ulamulembe kui mbaṟe yoose; kyipfa mfiri-cho uicha-pfo, mṟasa kuche kuwooka Ikana Ruwa, kaloṟo na pata mndu ulya molega kilya Ruwa awawasie, mana ekyekana Ruwa.

2 Watesalonikye 2:4

Ulya ekyewingana, ekyekuiria oe amonyi wuye ya orio kyindo kyekyelago Ruwa ang'u ikundo na iindio; mṟasa oe amonyi iṙamia hekalunyi lya Ruwa, kakuloṟa oe amonyi cha ilyi kye oe nyi oe Ruwa.

2 Watesalonikye 2:8

Iho nyi ho-ndu eloṟo-ng'u ulya alewie Ruwa, ulya Mndumii Yesu emmbaaga kui mṟufui o ṙumbu lyakye, na imrumatsa kui iloṟo lya oe ikaa pfo.

Ulogo 11:7

Na kyiyeri wechimarisa wuṟingyishi wowo, indo lyilya lya saka lyiwukyie halya-ndu wandu wapfiie wekyekaa lyechikapana shiṙa nawo, nalyo lyechiwawinga na iwawaaga.

Ulogo 12:14

Mndu mka ulya kaenengo makungo gawi ga mbeṟo iya ing'anyi, kundu narundukye, nayende kundu ko nuka mṟasa handu hakye, iho-ndu ekyelelyio kui kyiyeri kya maka iṟaṟu na kyitumbuṟe kyimwi kya maka umgawe kawi, kuleshi na njoka-yo.

Ulogo 12:6

Mndu mka ulya kaṙicha na kundu ko nuka, handu awoṙe handu haachikyie nyi Ruwa, kundu wamlelyie pfo kyiyeri kya mfiri kyiku na magana gawi na makumi gaṟandaaṟu.

Ulogo 13:7

Lyingyi-se lyikaenengo ikapana shiṙa na wandu wa Ruwa na iwawinga, lyikaenengo wuiṙimi wo chilyia orio mbaṟe ya wandu na kyishari na mṙeṙie na isanga.