Ulogo 12:9 - Kivunjo New Testament 1999

⁹ Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 12:9 ပူးပေါင်းရင်းမြစ်များ

Matayo 13:39

Mokyituwa ulya alewaaya nyi Mokyiriinzi. Kyilyimu nyi mafurumionyi ga wuyana; na wesambuo nyi malaika.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 4:1

Numa ya iho Yesu kaṙoo nyi Mumuyo kundu ko nuka, kundu nayesho nyi Mokyiriinzi.

Matayo 4:10

Naaho-ng'u Yesu alemmbia, “Wuka iha, Satana, kyipfa kyikyiṟeie, ‘India Mndumii Ruwa opfo, umterewe oe amonyi.’ ”

Matayo 4:5

Kyasia Mokyiriinzi kamṙuo mṟasa Yerusalemu, mṟi mweele, kammbikyia wuye ya uweri lo hekalu

Matayo 4:8

Numa ya iho Mokyiriinzi kamṙuo fumvunyi lyileshi mnu, kamloṟa ngyuuchilyi tsoose tsa wuyana, na wung'anyi wotso,

Luka 10:18

Kawawia, “Ngyilewona Satana, echioloka iwuka ruwewu cha mbawa.

Luka 13:16

Na mndu mka-chu, akyeri o kyishari kya Abrahamu, ichu Satana alempfunga maka-i ikumi na nyanya, kyiwewaṟi nawuto kyipfungo-kyi mfiri o onyonya-pfoe?”

Luka 22:3

Satana kacha na ko Yuda, ekyelago Isikariote, na oe nyi umwi o walya ikumi na wawi.

Luka 22:31

Kagamba, “Simion, Simion; Satana namlanga nyoe namuele cha nganu.

Luka 8:12

Walya wa kufuhi na njia nyi walya wekyeicho, numa Satana nekyecha karakuo Ṙeṙo lyilya lya Ruwa mrimenyi kowo, walacheiṙikyia na ikyia.

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 16:11

Kye wechianduyo kyipfa Satana, mchilyi o wuyana-wu, amwanduyo.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Mawuto Ga Wasu 5:3

Petiro kagamba, “Anania, ny'kyilyi Satana aichuṟa mrima opfo iwia Mumuyo Mweele wongo, na iṟika kyifunjoe kya woguru wulya wo ṙema?

Waroma 16:18

Kyipfa wandu wa mbaṟe-yo waiṟundia Mndumii oṙu Yesu Kristo-pfo, indi nyi ndewu tsawo wawenyi; na kui maṙeṙo ga wulembi na maṙeṙo gekuloṟa kye wawecha kundu wakundo, wailemba wandu wanyotsu.

Waroma 16:20

Na Ruwa o ufoṟo nechirumatsa Satana wanda ya maṙende ganyu iwinyi. Isaṟia lya Mndumii oṙu Yesu Kristo lyikae hamwi na nyoe [Amen.]

2 Wakorinto 11:14

Maa chi kyindo kyeṟiyio-pfo. Kyipfa Satana oe amonyi nekyekuloṟa cha ilyi nyi malaika o ngyeela.

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 12:7

Na kyimaṙuma ngyilaiṙime ikushela na ielewetsa kyipfa kya shilya ngyileshukuyo, ngyileenengo kyindo kyewawiṟa mmbiu mbaṟe ya msha, kyindo kyikyeri cha mndu amṙume nyi Satana kundu nangyikape, ngyilachekushela na ielewetsa.

2 Wakorinto 2:11

Satana alaenengo ṙaawa lyelulemba; cha kyipfa lolemo imanya ngyeṟo tsakye-pfo.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

2 Watesalonikye 2:3

Mndu oose ulamulembe kui mbaṟe yoose; kyipfa mfiri-cho uicha-pfo, mṟasa kuche kuwooka Ikana Ruwa, kaloṟo na pata mndu ulya molega kilya Ruwa awawasie, mana ekyekana Ruwa.

1 Timoteo 2:14

Maa Adamu alelembo-pfo, indi mndu mka nalelembo nakamwi kaṙeko.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

Yuda 1:9

Kyaindi Mikaelyi, malaika ang'anyi, kyiyeri alewingana na Mokyiriinzi, na igaluana na oe kyipfa kya mmbiu o Mose, alekaria imshitakyi-pfo, indi nalegamba, “Mndumii nakuṟoṟome.”

Ulogo 12:12

Koikyo kapenyi ngulyilyi na ngoru, nyoe moose mokyekaa ruwewu. Ochia lonyu nyoe mokyekaa urukyenyi na ipalyipalyinyi! Cha kyipfa Mokyiriinzi ulya nasoka na konyu awoṙe nyashi ing'anyi, aichi kye nawoṙe kyiyeri kyifuhi tikyi.”

Ulogo 12:3

Kukowoneka kyiṟingyishio kyingyi ruwewu; na injoka lying'anyi lya kyimaande, lyiwewoṙe mṙoe mfungaaṙe na membe ikumi, na mṙoenyi kolyo maṟikoso mfungaaṙe.

Ulogo 12:7

Kuwewoṙe shiṙa ruwewu; Mikaelyi na malaika wakye wakakapana na injoka lyilya. Injoka-lyo nalyo lyikakapana nawo hamwi na malaika walyo;

Ulogo 12:8

nawo walewinga-pfo, maa handu hawo halewono-se ruwewu-pfo.

Ulogo 13:14

Nalyo lyikatewe walya wekyekaa urukyenyi, kui shiṟingyishio shilya lyileenengo ishiloṟa mbele ya indo-lyo, lyechiwia walya wekyekaa urukyenyi ilyiachikyia ifano lya indo lyilya, lyiwewoṙe ifaṟo lya ushu, nalyo lyikawaṙa moo.

Ulogo 16:14

Iyo nyiyo mumuyo ya masatana, yekyewuta shindo sheṟiyisha, yekyewuka na iyenda ko wamangyi wa wuyana woose; iwasania ko shiṙa sha mfiri ulya ung'anyi o Ruwa Mopfinya.

Ulogo 18:2

Kafiiṟa na ṟui lying'anyi, echigamba, “Nooloka, nooloka Babelyi ung'anyi, nowa kanyi ko masatana, na moombo o orio mumuyo mmbicho, na moombo o orio kyileye kyiwicho kyekyeenenga wandu isuo;

Ulogo 18:23

Maa ngyeela ya taa yechilyimika-se kopfo-pfo; maa ṟui lya monyi-wolyi na mpora okye kuwoṙe mndu echilyiicho-se kopfo-pfo. Kyipfa wekapa mbucha-wo wapfo wawei wang'anyi wa uruka, cha kyipfa masanga goose galelembo nyi wusawi wopfo.”

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.

Ulogo 2:13

Ngyiichi handu okyekaa. Nyi ho-ndu hawoṙe kyitima kya mng'ano kya Satana; na iyoe nuwoṙe mnu rina lyako, maa ulekana iiṙikyia lyako-pfo, maa mfiri ulya Antipa, mṟingyishi oko, mndu oko ekyeafutsia shilya ateṟia, alewoogo kyiiṙi kyanyu, halya-ndu Satana ekyekaa.

Ulogo 2:24

Kyaindi ngammbia nyoe mukyeri Tiatira, woose walawoṙe malosho-go, walaichi ngyeṟo tsa Satana, chandu wekyegamba, ngyechimṙika ṟio lyingyi-pfo.

Ulogo 2:9

Ngyiichi wukyiwa wopfo na wufofo wopfo (kyaindi nui mnjama.) Ngyiichi na shilahio sha walya wekyegamba kye nyi Wayuda, nawo chi Wayuda-pfo, indi nyi sinagogi lya Satana.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.

Ulogo 20:8

Na oe nechifuma indelemba masanga galya gakyeri ngyuurenyi tsoose tsiina tsa uruka, Gogu na Magogu, iwasania ko shiṙa, walya itala lyawo lyikyeri cha mlelya o ipalyipalyi.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.

Ulogo 9:1

Malaika o kataanu kakapa iganda, ngawona nyenyeri yawuka ruwewu, iolokyi wuyanenyi. Na oe kaenengo upfunguo lo ṟungu lya halya-ndu wandu wapfiie wekyekaa.

Ulogo 9:20

Na wandu walya waletsugaa, walaiwoogo kui ngapo-tso, walelekana na mafano walegaachikyia-pfo, wakaengyeṟa iindia masatana, na mafano ga sahapu, ga heleri, ga aṟeṟa, ga magoe na ga mashiṙi, galekyeiṙima iwona maa iicho maa ichumia.