Ulogo 12:4 - Kivunjo New Testament 1999

⁴ Na mshawa olyo ukuruo kyifunjoe kyimwi kyiiṙi kya shifunjoe shiṟaaṟu sha nyenyeri tsa ruwewu, na itsiolotsa urukyenyi. Na injoka lyilya lyikagoṟoka mbele ya mndu mka ulya awekuṟeyeṟie ifee, kundu ilyi efee, lyilye mana-cho okye.

Ulogo 12:4 ပူးပေါင်းရင်းမြစ်များ

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

Ulogo 12:7

Kuwewoṙe shiṙa ruwewu; Mikaelyi na malaika wakye wakakapana na injoka lyilya. Injoka-lyo nalyo lyikakapana nawo hamwi na malaika walyo;

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:2

Na indo-lyo ngyilewona lyiwekyeri cha rung'wi, na maṙende galyo gawekyeri cha maṙende ga indo lyioweshie, na ṙumbu lyalyo cha ṙumbu lya simba. Injoka lyilya lyikaenenga indo-lyo pfinya tsalyo na kyitima kyalyo kya mng'ano na wuiṙimi wung'anyi.

Ulogo 13:4

Wakaterewa na iindia injoka lyilya cha kyipfa lyileenenga indo-lyo wuiṙimi wolyo. Nawo wakaterewa na iindia indo lyilya, wechigamba, “Nyi wui afananyi na indo-lyi? Lyingyi-se nyi wui eiṙima ikapana shiṙa nalyo?”

Ulogo 16:13

Ngawona mumuyo iṟaṟu ya wunyamaṟi ifananyi na shilo, yechiwuka ṙumbunyi lya injoka lyilya, na ṙumbunyi lya indo lyilya, na lya moonguo shisuku ulya o wongo.

Ulogo 17:18

Na mndu mka ulya ulemmbona, nyi mṟi ulya ung'anyi, uwoṙe wumangyi wuchilyie wamangyi wa uruka.”

Ulogo 20:2

Kawaṙa injoka lyilya, injoka lyilya lya kacha, Mokyiriinzi ang'u Satana, kalyipfunga maka kyiku.

Ulogo 8:10

Malaika o kaṟaaṟu kakapa iganda, nyenyeri ing'anyi ikaoloka iwuka ruwewu, iweaka cha taa. Ikaoloka kyifunjoenyi kyimwi kyiiṙi kya shifunjoe shiṟaaṟu sha mapichi, na shokyenyi tsa mṟinga.

Ulogo 8:11

Na rina lya nyenyeri-yo nyi Isuka. Na kyifunjoe kyimwi kyiiṙi kya shifunjoe shiṟaaṟu sha mṟinga kyikasuka, na wandu wafoi walenyo mṟinga-cho wakapfa, cha kyipfa ulesuka.

Ulogo 8:12

Malaika o kaana kakapa iganda, kyifunjoe kyimwi kyiiṙi kya shifunjoe shiṟaaṟu sha mnengyeṟi kyikakapo, na kyifunjoe kyimwi kyiiṙi kya shifunjoe shiṟaaṟu sha mori, na kyifunjoe kyimwi kyiiṙi kya shifunjoe shiṟaaṟu sha nyenyeri, kundu kyifunjoe-kyo kyiwaṙe meema, kyingoto kyilawookye kyifunjoe kyacho kya kaṟaaṟu, maa kyio.

Ulogo 8:7

Malaika o kuwooka kakapa iganda, kukokapa mvuo ya magoe na moṙo shilonganyi na samu, shikawiyitso urukyenyi. Ura lumwi lo uruka kyiiṙi kya ngyuura tsiṟaaṟu lukosenekyia, na ura lungyi lo mashiṙi kyiiṙi kya ngyuura tsiṟaaṟu lukosenekyia, na maṟa mawishi goose gakasenekyia.

Ulogo 8:8

Malaika o kawi kakapa iganda, na kyindo kyikyeri cha fumvu lying'anyi lyiaka moṙo, kyikawiyitso ipalyipalyinyi. Ura lumwi kyiiṙi kya ngyuura tsiṟaaṟu tsa ipalyipalyi lukowa samu.

Ulogo 8:9

Kyifunjoe kyimwi kyiiṙi kya shifunjoe shiṟaaṟu sha shindo shii na moo sha ipalyipalyinyi shikapfa. Kyifunjoe kyimwi kyiiṙi kya shifunjoe shiṟaaṟu sha shindo shekyeiṙa mṟingyenyi cha melyi kyikanyamaṟo.

Ulogo 9:10

Natso tsiwoṙe mshawa cha shisheshe, na msha; na pfinya yatso yefaṟa wandu mori itanu iwekyeri mshawenyi yatso.

Ulogo 9:19

Cha kyipfa pfinya tsa farasi-tso tsiwei maṙumbunyi gatso, na mshawenyi yatso; kyipfa mshawa yatso ifananyi na njoka, iwoṙe mṙoe, natso tsekyefaṟa wandu kui mshawa-yo.