Ulogo 11:9 - Kivunjo New Testament 1999

⁹ Na wandu wa kyishari-kyo na mbaṟe na mṙeṙie na isanga wechiambuya mnying'a yawo mfiri iṟaṟu na kyitumbuṟe kyimwi kya mfiri umgawe kawi, maa wechilekyia mnying'a yawo iwiko kyilomenyi-pfo.

Ulogo 11:9 ပူးပေါင်းရင်းမြစ်များ

Matayo 7:2

Kyipfa chandu muianduya wengyi na wuṙo mochianduyo. Na kyiyeṟo kyilya mueṟa nakyo mochiyeṟio.

Ulogo 10:11

Wakangyiwia, “Kyikuwaṟi ionguo shisuku-se ko wandu na isanga na mṙeṙie na wamangyi wafoi.”

Ulogo 11:11

Na numa ya mfiri-yo iṟaṟu na kyitumbuṟe kyimwi kya mfiri umgawe kawi, Ruwa kawaumuya mṟufui okye o moo, wakagoṟoka kui maṙende gawo wawenyi; na wandu wawewaambuya wakawoṙo nyi wuowu wung'anyi.

Ulogo 13:7

Lyingyi-se lyikaenengo ikapana shiṙa na wandu wa Ruwa na iwawinga, lyikaenengo wuiṙimi wo chilyia orio mbaṟe ya wandu na kyishari na mṙeṙie na isanga.

Ulogo 17:15

Numa ya iho kangyiwia, “Mṟinga ulya owona, handu iṟai lyilya lyiṙamie, nyi kyishari na wandu wa kyisanzionyi na masanga na mṙeṙie.

Ulogo 5:8

Na kyiyeri amwambilyie kyitapu-kyo, iwo waana wai na moo na wameeku walya makumi gawi na waana wakaoloka mbele ya Kyiondo kyilya kya Ruwa, orio umwi owo awoṙe wuṙa wo ndusu, na pakulyi tsa sahapu tsiichuo shindo shekyepfaama necha, shikyeri nyi shiterewo sha wandu wa Ruwa.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.