Ulogo 11:8 - Kivunjo New Testament 1999

⁸ Na mnying'a yawo yechikaa njienyi ya mṟi ulya ung'anyi, okyelago Sodoma kui mbaṟe ya mrima, na Misiri, lyingyi-se nyiho handu Mndumii owo alekapio msalabenyi.

Ulogo 11:8 ပူးပေါင်းရင်းမြစ်များ

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Mawuto Ga Wasu 9:4

Kaoloka wanda, kaicho ṟui lyechimmbia, “Saulyi, Saulyi, ny'kyilyi ungyilyisa wukyiwa?”

Waebrania 13:12

Kyipfa kya ikyo, Yesu na oe, kundu nailyishe wandu kui samu yakye amonyi, nalelyiso wukyiwa nja ya mṟi.

Waebrania 6:6

wakaṙa iiṙikyia numa ya iho, kyechiiṙimika-se iwagaluo waṙumbuye wunyamaṟi-pfo; cha kyipfa wakapia Mono-Ruwa msalabenyi lya kawi kui mrima yawo, na imriisa sonu na pata.

2 Petiro 2:6

Lyingyi-se, kaanduya mṟi ya Sodoma na Gomora echiinyamaṟa kui moṙo, kaiwika iwe kyiṟingyishio ko wandu walechiiṙikyia Ruwa numa ya ishi,

Yuda 1:7

Chandu kyiwei Sodoma na Gomora hamwi na mṟi iwekyeri mṟasenyi, waleosha wuṟui kui mbaṟe imwi na iwa, wakandeosha mbonyi tsa kyimmbiu tsilawaṟi wookyia kacha, kyilewiko kyiwe kyiṟingyishio, wechianduyo moṙonyi o mlungana.

Ulogo 11:13

Na kyiyeri kyilya hawewoṙe kyiriinza kying'anyi, na kyifunjoe kyimwi kyiiṙi kya shifunjoe ikumi sha mṟi kyikaoloka; wandu shiku mfungaaṙe wakawoogo nyi kyiriinza kyilya. Na walya waletsugaa wakawoṙo nyi wuowu, wakaṟumisha Ruwa o ruwewu.

Ulogo 11:9

Na wandu wa kyishari-kyo na mbaṟe na mṙeṙie na isanga wechiambuya mnying'a yawo mfiri iṟaṟu na kyitumbuṟe kyimwi kya mfiri umgawe kawi, maa wechilekyia mnying'a yawo iwiko kyilomenyi-pfo.

Ulogo 14:20

Indo lyilya lyekamia sabibu lyikachumo-chumo nja ya mṟi, samu ikawuka pfo mṟasa handu hawoṙe shigowo shesongoya farasi, cha ichumia handu ha mailyi magana gawi.

Ulogo 14:8

Numa ya iho ngawona malaika ungyi o kawi, echiosha, echigamba, “Nooloka, nooloka, iyoe Babelyi, mṟi ulya ung'anyi, kyipfa nyicho ulerutsa masanga goose mpfinyo ya nyashi ya wuṟui.”

Ulogo 16:19

Na mṟi ulya ung'anyi ukopaṟika shifunjoe shiṟaaṟu; na mṟi ya masanga ikaoloka; na kulawoṙe iwaṙima, Ruwa karutsa Babelyi kyiṙoonyi mpfinyo o nyashi yakye.

Ulogo 17:1

Umwi o malaika walya mfungaaṙe kacha; malaika wawoṙe pakulyi mfungaaṙe, kaṙeṙa na inyi, echigamba, “Nnjo na kunu, ngyikuloṟe ianduyo lya iṟai lyilya lying'anyi mnu lyiṙamie mṟingyenyi ufoi.

Ulogo 17:18

Na mndu mka ulya ulemmbona, nyi mṟi ulya ung'anyi, uwoṙe wumangyi wuchilyie wamangyi wa uruka.”

Ulogo 17:5

Na ushangunyi lo kyaam kyakye hawehaṟeie rina lyiwoṙe kyitambuluo kya wuṟikyi: “BABELYI ANG'ANYI, MAMA O MAṞAI NA MAWICHO GA URUKA.”

Ulogo 18:10

wechigoṟoka kuleshi kui wuowu wo mawawio gakye, wechigamba, “Ochia, ochia mṟi ulya ung'anyi, Babelyi, mṟi ulya uwoṙe pfinya! Cha kyipfa kui kyiyeri kyifuhi ianduyo lyapfo lyamcha.”

Ulogo 18:18

wakafiiṟa mnu, kyiyeri walewona mtsu o iunguo lyakye, wechigamba, “Nyi mṟi uha ukyeri mfano o mṟi-chu ung'anyi?”

Ulogo 18:2

Kafiiṟa na ṟui lying'anyi, echigamba, “Nooloka, nooloka Babelyi ung'anyi, nowa kanyi ko masatana, na moombo o orio mumuyo mmbicho, na moombo o orio kyileye kyiwicho kyekyeenenga wandu isuo;

Ulogo 18:21

Na malaika umwi awoṙe pfinya kaira igoe, igoe lying'anyi cha ikyesa, kalyiwiyitsa ipalyipalyinyi, echigamba, “Kuṙi kui pfinya ing'anyi, mṟi o Babelyi ochiwiyitso; mṟi ulya ung'anyi, maa ochiwono-se maa ale-pfo.

Ulogo 18:24

Na kokye kulewono samu ya weonguo shisuku, na ya wandu wa Ruwa, na ya woose walewoogo urukyenyi.