Ulogo 11:2 - Kivunjo New Testament 1999

² Na handu hesanzia hakyeri nja ya hekalu uhaṙe ulahapime, cha kyipfa iho hangyienengye walya walaiṙikyie Ruwa, nawo wechikapa na ichilyia mṟi mweele Yerusalemu kyiyeri kya mori makumi gaana na iwi.

Ulogo 11:2 ပူးပေါင်းရင်းမြစ်များ

Matayo 27:53

Nawo wammbukye shilomenyi shawo, numa ya iṟuka lyakye, wakaiṙa na mṟinyi mweele, wandu wafoi wakawawona.

Matayo 4:5

Kyasia Mokyiriinzi kamṙuo mṟasa Yerusalemu, mṟi mweele, kammbikyia wuye ya uweri lo hekalu

Matayo 5:13

“Nyoe nyi munyu o wuyana. Kyaindi munyu ukyeri unyamaṟikyie owiko-kyi mṟasa uṙahie? Ochiwaṙa-se kyiira maa ale-pfo, sile iwiyitso nja na ichumo-chumo nyi wandu.

Luka 21:24

Wechiwoogo kui ushu, nawo wewoṙo na iṙoo masangyenyi koose, na mṟi o Yerusalemu ochichilyio nyi walya walaiṙikyie Ruwa mṟasa kyiyeri kya walya walaiṙikyie Ruwa kyechiafukyia.”

Waebrania 10:29

Muwonyi kuṙa? Kyiwemmbaṟi ngapo ing'anyi ngoseṟa mndu ulya alemina Mono-Ruwa, na igamba kye samu iya ya mma ilemuilyisha chi kyindo-pfo, na ilahia Mumuyo o isaṟia-pfoe?

Ulogo 11:11

Na numa ya mfiri-yo iṟaṟu na kyitumbuṟe kyimwi kya mfiri umgawe kawi, Ruwa kawaumuya mṟufui okye o moo, wakagoṟoka kui maṙende gawo wawenyi; na wandu wawewaambuya wakawoṙo nyi wuowu wung'anyi.

Ulogo 11:3

Na inyi ngyechienenga momu waṟingyishi wako wawi, nawo wechionguo shisuku mfiri kyiku, magana gawi na makumi gaṟandaaṟu, wawaṟikye makunyia.”

Ulogo 12:6

Mndu mka ulya kaṙicha na kundu ko nuka, handu awoṙe handu haachikyie nyi Ruwa, kundu wamlelyie pfo kyiyeri kya mfiri kyiku na magana gawi na makumi gaṟandaaṟu.

Ulogo 21:10

Kangyiṙuo kui Mumuyo mṟasa fumvu lying'anyi, lyileshi, kangyiloṟa mṟi ulya mweele, Yerusalemu, ochisoka iwuka ruwewu ko Ruwa Mopfinya.

Ulogo 21:2

Na inyi ngawona mṟi ulya mweele, Yerusalemu ngyihya, ochisoka iwuka ruwewu ko Ruwa, umṟeyeṟe, cha mpora amchopo kyipfa kya mii okye.

Ulogo 22:19

Na mndu oose kawuta kyindo kyoose iwuka kunu mbonyinyi tsa wuikyimbi wo kyitapu-kyi, Ruwa nechisoka mndu-cho ṙombo lyakye halya ikyiṙinyi lya moo, na kulya mṟinyi mweele, mṟi ulya mbonyi tsacho tsingyiṟeie kunu kyitapunyi.