Ulogo 1:4 - Kivunjo New Testament 1999

⁴ Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.

Ulogo 1:4 ပူးပေါင်းရင်းမြစ်များ

Yohane 1:1

Ipfo mawookyionyi wuyana wulandegumbo kuwewoṙe Ṙeṙo, na Ṙeṙo nawekyeri ko Ruwa, na Ṙeṙo nawei Ruwa.

Mawuto Ga Wasu 19:10

Mbonyi-tsi tsikawutika kyiyeri kya maka iwi, mṟasa wandu woose, Wayuda na Wakyiṟikyi, wawekyekaa Asia wakaicho Ṙeṙo lya Ruwa.

Mawuto Ga Wasu 2:9

Wapariti na Wamedi na Waelami, na walya wekyekaa Mesopotamia, Uyuda na Kapadokyia, Ponto na Asia,

Waroma 1:7

ko woose wakyeri Roma, wawakunde nyi Ruwa, walelago wawe wandu wa Ruwa. Isaṟia lyikae konyu na ufoṟo luwukyie ko Ruwa Awu oṙu, na ko Mndumii Yesu Kristo.

1 Wakorinto 1:3

Isaṟia lyikae konyu na ufoṟo uwukyie ko Ruwa Awu oṙu, na ko Mndumii Yesu Kristo.

2 Wakorinto 1:2

Isaṟia lyikae konyu na ufoṟo, shiwukyie ko Ruwa Awu oṙu na ko Mndumii Yesu Kristo.

Waebrania 13:8

Yesu Kristo nyi oe ulya, ukou na inu na mṟasa mlungana.

Yakobo 1:17

Orio ienengyia lyikyeri lyicha, na orio kyindo kyekyewuto kyiafutsie, kyekyewuka wuye, kyekyesoka ko Awu agumbie mnengyeṟi, mori na nyenyeri. Kokye kuwoṙe iilachika lyekyeende meema-pfo.

Ulogo 1:1

Ishi nyi shindo Ruwa aleshukuya Yesu Kristo kundu nashiloṟe waṟundi wakye. Shindo shechiwutika iwinyi kyipfa Ruwa naṙumbuo shiwe kuṙo; na Yesu Kristo kashienenga malaika okye, malaika-cho kashishukuya Yohane na Yohane kashigamba ko wandu wa Ruwa.

Ulogo 1:11

lyechigamba, “Ṟeia kyitapunyi ishi ushiwonyi, ushiṙuo ipfo siṟinyi mfungaaṙe: Efeso, Simirina, Perigamo, Tiatira, Saridi, Filadelyifia na Laodikyia.”

Ulogo 1:17

Na inyi kyiyeri ngyilemmbona, ngyileoloka maṙendenyi gakye cha mndu apfiie. Kayekyia kuwoko kokye ko kulyoe wuye yako, echigamba, “Molaowuoe. Inyi nyi o kuwooka na o mafurumionyi,

Ulogo 1:20

Wuṟikyi wo nyenyeri tsilya mfungaaṙe owona kuwokonyi koko ko kulyoe, na wuṟikyi wo shindo shilya mfungaaṙe sha sahapu. Nyenyeri tsilya mfungaaṙe nyi malaika wa siṟi tsilya mfungaaṙe; na shindo-sho mfungaaṙe nyi siṟi mfungaaṙe.”

Ulogo 1:8

Inyi nyi Alyifa na Omeka, mawookyionyi na mafurumionyi, Mndumii Ruwa nagamba, awekyeri pfo na akyeri pfo na echicha, Mopfinya.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 16:5

Na inyi ngaicho malaika o mṟinga echigamba, “Iyoe nuwoṙe wusumganyi, uwekyeri pfo na ukyeri pfo, Mweele, cha kyipfa noanduya kuṙo.

Ulogo 2:12

“Na ko malaika o siṟi ikyeri Perigamo ṟeia: ‘Ishi nyisho agamba ulya awoṙe ushu-lo luohi, lo mmbega kuwi.

Ulogo 2:18

“Na ko malaika o siṟi ikyeri Tiatira ṟeia: ‘Ishi nyisho agamba Mono-Ruwa, ulya awoṙe meso gakye cha ulumi lo moṙo na maṙende gakye mfano o aṟeṟa ngyiilyiṟe mnu.

Ulogo 2:8

“Na ko malaika o siṟi ikyeri Simirina ṟeia: ‘Ishi nyisho agamba ulya akyeri o kuwooka na o mafurumionyi, awepfiie, numa ya iho kawaṙa moo.

Ulogo 22:16

“Inyi Yesu ngaṙuma malaika oko imuṟingyishia nyoe shindo shoose siṟinyi. Inyi ngyikyeri Mshari na Mana o Dawidi; nyenyeri iya ya ngamenyi yekyewaa.”

Ulogo 22:8

Na inyi Yohane nyi oe ngyileicho na iwona mbonyi-tso. Na ilyi ngyiletsiicho na itsiwona ngyileoloka, kundu ngyiterewe na iindia mbele ya maṙende ga malaika ulya alengyiloṟa mbonyi-tso.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.

Ulogo 3:14

“Na ko malaika o siṟi ikyeri Laodikyia ṟeia: ‘Ishi nyisho agamba ulya akyeri Amen. Mṟingyishi ekyeafutsia shilya ateṟia na o loi, mawookyionyi ga shindo shoose Ruwa agumbie.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.

Ulogo 4:5

Na halya kyitimenyi kya mng'ano hakawuka mbawa na ṟui na ikuṟuṟuma. Na taa mfungaaṙe tsa moṙo tsileaka mbele ya kyitima kya mng'ano, nyiyo Mumuyo mfungaaṙe yekyeṟundia Ruwa.

Ulogo 4:8

Na iwa waana wai na moo, orio umwi nawewoṙe makungo gaṟandaaṟu; na ngyuura tsoose na kyanumba waweichuo meso, maa wekyeonyonya kyingoto maa kyio-pfo, wechigamba, “Mweele, Mweele, Mweele, Mndumii Ruwa Mopfinya, awekyeri pfo na akyeri pfo na echicha.”

Ulogo 5:6

Ngawona halya kyitimenyi kya mng'ano na walya waana wai na moo, na makyiṙi-gawi gawo wameeku walya, Kyiondo kya Ruwa kyigoṟokyi, kyikyeri cha ilyi kyamshinjo, kyiwoṙe membe mfungaaṙe na meso mfungaaṙe, shikyeri nyi mumuyo mfungaaṙe yekyeṟundia Ruwa ingyiṙume wuyanenyi koose.

Ulogo 8:2

Na inyi ngawona malaika walya mfungaaṙe wekyegoṟoka mbele ya Ruwa, nawo wakaenengo maganda mfungaaṙe.