Ulogo 1:3 - Kivunjo New Testament 1999

³ Agusu mndu ulya asomia wandu ulogo-lu luwukyie ko Ruwa, na walya waaṙanyia na iosha kyilya logamba wechichihiyo. Cha kyipfa hechiiṙa kyiyeri kyileshi shindo-shi shilaafukyia-pfo.

Ulogo 1:3 ပူးပေါင်းရင်းမြစ်များ

Matayo 24:15

“Kyasia kyiyeri-kyo mochiwona ulya ekyenyamaṟa na ifunja orio kyindo kyiele, ulya amgambe nyi moonguo shisuku Danielyi, agoṟokyi handu haele (aikulosha na namanye).

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Waroma 13:11

Yee, lukomanya kyiyeri, kye kyiyeri kyeamka maṙoenyi kyamwafukyia; cha kyipfa wulalu wukyiṟo woṙu wukyeri kufuhi na soe kuta lyilya lulewooka iiṙikyia.

Waroma 13:12

Kyio nyi iiṙa kyii kyingoto kyamtikyira kufuhi; kyasia luṙe mawuto ga meema, na iṟaa shisha sha ngyeela.

1 Petiro 4:7

Kyaindi mafurumionyi ga shindo shoose gakyeri kufuhi. Kyasia ṟanguonyi, mulae kyiṙombo mochiterewa.

2 Petiro 3:8

Kyaindi, wakunde, mulawaṙime kyindo-kyi, kye ko Mndumii mfiri umwi nyi kyimwi na maka kyiku, na maka kyiku nyi kyimwi na mfiri umwi.

Ulogo 22:10

Kangyiwia, “Ulaṟikye mbonyi tsa wuikyimbi wo kyitapu-kyi, cha kyipfa kyiyeri kya wuikyimbi-wo kyamwafukyia.

Ulogo 22:12

Yesu naigamba, “Ngyiicha iwinyi, na wori woko wukyeri hamwi na inyi, itaa orio mndu chandu iṟunda lyakye lyikyeri.

Ulogo 22:20

Ulya moṟingyishia ishi, nagamba, “Yee loi; ngyiicha iwinyi.” Amen. Nnjo Mndumii Yesu.

Ulogo 3:11

Ngyiicha iwinyi. Waṙa mnu kyilya uwoṙe, kulache mndu nakusokye oṟo yapfo.