Ulogo 1:16 - Kivunjo New Testament 1999

¹⁶ Na oe nawewoṙe nyenyeri mfungaaṙe kuwokonyi kokye ko kulyoe; na ushu luohi, lo mmbega kuwi, lochiwuka ṙumbunyi kokye; na kyaam kyakye cha mnengyeṟi uiwaa na pfinya.

Ulogo 1:16 ပူးပေါင်းရင်းမြစ်များ

Matayo 17:2

Kailachika fana yakye mbele yawo; kyaam kyakye kyikaaka-aka cha mnengyeṟi; mkoṟoṟi okye ukoila cha ngyesa.

Mawuto Ga Wasu 26:13

mangyi mkunde, naaho-ng'u kyiyeri kya kyingoto njienyi ngawona ngyeela yewuka ruwewu, iiṟie ngyeela ya mnengyeṟi, yengyilyimika inyi, na walya waweioshana na inyi ngyuura tsoose.

Wafilyipi 6:17

Lyingyi-se ambilyienyi wukyiṟo wukyeri cha kofia yanyu ya menya, na Ṙeṙo lya Ruwa cha ushu muenengo nyi Mumuyo.

Waebrania 4:12

Kyipfa Ṙeṙo lya Ruwa lyiwoṙe moo, lyingyi-se lyiwoṙe pfinya; lyingyi-se lyilyiohi kuta ushu loose lo mmbega kuwi; lyingyi-se lyekyekoṟa mṟasa lyikaiṙima iletsana mrima na ngoo, na shiwungo na mafuṙa gakyeri ipfo shiwungonyi; lyingyi-se lyilyianguhu imanya makusaṟo na kyilya mrima ukundi.

Ulogo 1:20

Wuṟikyi wo nyenyeri tsilya mfungaaṙe owona kuwokonyi koko ko kulyoe, na wuṟikyi wo shindo shilya mfungaaṙe sha sahapu. Nyenyeri tsilya mfungaaṙe nyi malaika wa siṟi tsilya mfungaaṙe; na shindo-sho mfungaaṙe nyi siṟi mfungaaṙe.”

Ulogo 10:1

Numa ya iho ngawona malaika ungyi awoṙe pfinya echisoka iwuka ruwewu, amṟikye ipuchi; na mkoṟi o mvuo wuye ya mṙoe okye na kyaam kyakye kyiwekyeri cha mnengyeṟi, na maṙende gakye cha ngoe tsa moṙo.

Ulogo 12:1

Na kyiṟiyisho kying'anyi kyikawoneka ruwewu; mndu mka amṟikye mnengyeṟi, na mori uwekyeri wanda ya maṙende gakye, na mṙoenyi kokye oṟo ya nyenyeri ikumi na tsiwi.

Ulogo 19:15

Na ushu luohi lokyewuka ṙumbunyi kokye kundu nakape nalo masanga. Na oe nechiwalyisa kui upoi lo kyichakari, na oe naichuma indo lyekamia mpfinyo ya nyashi ya Ruwa Mopfinya.

Ulogo 19:21

Na walya waletsugaa walewoogo kui ushu lo ulya aweṙamilyie farasi iya, ushu luwukyie ṙumbunyi kokye. Na shileye shoose shikaiguṙa kui nyama tsawo.

Ulogo 2:1

“Ko malaika o siṟi ikyeri Efeso ṟeia: ‘Ishi nyisho agamba ulya awoṙe nyenyeri-tso mfungaaṙe kuwokonyi kokye ko kulyoe, ulya ekyechumia ipfo shindonyi mfungaaṙe sha sahapu.

Ulogo 2:12

“Na ko malaika o siṟi ikyeri Perigamo ṟeia: ‘Ishi nyisho agamba ulya awoṙe ushu-lo luohi, lo mmbega kuwi.

Ulogo 2:16

Kyasia ṙumbuya wunyamaṟi. Ulandeṙumbuye wunyamaṟi, ngyiicha na kopfo iwinyi, na inyi ngyechiwaṙa shiṙa nawo kui ushu lo ṙumbu lyako.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.