Tito 3:9 - Kivunjo New Testament 1999

⁹ Kyaindi kushowe na maṙeṙo ga wutondo, shindo shileambilyio ko waku, shiluyano na ikapana kyipfa kya uwawaso. Kyipfa isho shiwoṙe kyiira-pfo. Lyingyi-se nyi shindo sha wulya.

Tito 3:9 ပူးပေါင်းရင်းမြစ်များ

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

1 Wakorinto 8:1

Na mbonyi tsa shindo shaṙasio mafano, luichi kye soe loose luwoṙe wuṟango. Wuṟango wokyeende makushelo, indi ikunda lyekyekarisha iiṙikyia.

1 Timoteo 4:7

Indi malosho galaṙuṙanyi na galya ya Ndumi Ngyicha ugalege, na iyoe ukuichiwiṟe iwaṙa iowuo na ikunda Ruwa.

2 Timoteo 2:14

Uwakumbuṟe mbonyi-tso, ochiwaikyimbia mbele ya Ruwa, walawaṙe iwingana kui maṙeṙo, galawoṙe kyiira, indi gekyenyamaṟa walya wekyegaicho.

2 Timoteo 2:16

Kaa kuleshi na mbonyi tsilawoṙe kyiira, tsilakyeri tsa mwiṙikyie o india Ruwa; kyipfa wechiengyeṟika ngoseṟa kyiiṙi kya iwuta shiwicho

2 Timoteo 2:23

Kyaindi ulege maṙeṙo gesoruo-soruo ga kyitondo, galawoṙe wuṟango, ochimanya kye gekyeende maluyano.

Tito 1:14

walaaṙanyie malosho ga Kyiyuda, maa mawawaso ga wandu wekyekaa kuleshi na shilya shikyeri sha loi.

Yakobo 4:1

Shiṙa nyi kwi shiwuka, na ngapano tsikyeri konyu nyi kwi tsiwukyie? Chi kunu langonyi tsanyu tsekyeende shiṙa shiwungonyi shanyu-pfoe?