Tito 3:7 - Kivunjo New Testament 1999

⁷ kundu lukotalyio wusumganyi kui isaṟia lyakye, luiṙime iwa weoṟa wa moo o mlungana, chandu ikusuria lyaṙu lyikyeri.

Tito 3:7 ပူးပေါင်းရင်းမြစ်များ

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Mariko 10:17

Na lyilya awefuma iyenda njienyi, mndu umwi kacha eṙicha, kampfiria ndi, kammbesa, “Mlosha mcha, ngyiwute kyi ngyiiṙime ioṟa moo o mlungana?”

Waroma 11:6

Kyaindi kokooya nyi kui isaṟia, kyewa-se kui mawuto-pfo, ang'u iho isaṟia lyiwechiwa-se isaṟia-pfo.

Waroma 3:24

Waitalyio wusumganyi walaitaa kyindo kui isaṟia lyakye, kui njia ya wukyiṟo wukyeri kyiiṙi kya Kristo Yesu.

Waroma 3:28

Kyasia, luwonyi kye mndu nekyetalyio wusumganyi kui iiṙikyia kulawoṙe iwuta shilya mawawaso gakundi.

Waroma 4:16

Koikyo kyaasa kyiwukyie iiṙikyienyi, kyiwe kui njia ya isaṟia, kundu kyaasa kyilya kyilalolome ko shishari shoose. Chi ko walya wa uwawaso tikyi-pfo, indi na ko walya wai wa iiṙikyia lya Abrahamu; akyeri awu oṙu soe loose;

Waroma 4:4

Kyaindi ko mndu aiṟunda, wori wokye wokyetalo nyi isaṟia-pfo, indi kye nyi sile.

Waroma 8:17

Na kokooya soe nyi wana, kyasia, soe nyi weoṟa mboṟa tsa Ruwa, wekyeoṟa hamwi na Kristo. Yee, lochituuro hamwi na oe kundu luweiṙima ing'anyiso hamwi na oe.

1 Wakorinto 6:11

Na waata kyiiṙi kyanyu wawekyeri wandu wa mbaṟe-i; kyaindi mulesanjo, kyaindi muleilyisho, kyaindi muletalo kye muwasumganyi rinenyi lya Mndumii Yesu Kristo, na Mumuyonyi o Ruwa oṙu.

Wagalatia 2:16

luichi kye mndu ekyetalyio wusumganyi kui mawuto ga mawawaso-pfo, indi kui iwaṙa iiṙikyia kyiiṙi kya Kristo Yesu. Soe luleiṙikyia Kristo Yesu kundu lutalyio wusumganyi kui iiṙikyia Kristo, maa chi kui mawuto ga mawawaso-pfo; kyipfa kui mawuto ga mawawaso kuwoṙe mndu echitalyio wusumganyi-pfo.

Wagalatia 3:29

Na kokooya nyoe nyi wandu wa Kristo, kyasia mowa wana wa Abrahamu, na weoṟa iṙuana na kyaasa.

Wagalatia 4:7

Kokooya nyi wuṙo, iyoe chi mtumo-se-pfo indi nukyeri mana; na kokooya nukyeri mana, kyasia nukyeri mokyioṟa ko Ruwa.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

Tito 2:11

Kyipfa isaṟia lya Ruwa lyekyekyiṟa wandu woose lyamloṟo.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 11:7

Kui iiṙikyia Noe amwikyimbio nyi Ruwa ko mbonyi tsa shindo shilandewonekye, kui chandu aleindia na iowuo Ruwa, naleachikyia safina, naiṙime ikyiṟa wandu wa kanyi kokye. Na kui kyilya alewuta naleloṟa wandu wa wuyana kye wawoṙe ṙeko, kawa mokyioṟa o wusumganyi wokyewono kui iiṙikyia.

Waebrania 11:9

Kui iiṙikyia nalekaa wuyenunyi kulya urukyenyi lo kyaasa, cha urukyenyi lulai lokye, echikaa tengonyi hamwi na Isakyi na Yakobo, wai weoṟa hamwi na oe wa kyaasa kyilya kyilya.

Waebrania 6:17

kyiiṙi kya mbonyi-tso Ruwa, akundi iloṟa ngoseṟa mnu walya wekyeoṟa kyaasa kyilya, chandu shilya akundi shilechiiṙima iilachika.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 3:7

Nyoe wasoṟo, kaenyi na waka wanyu kui wuṟango, muichi kye mka nyi kyiiya kyifafa; na muwe cha weoṟa hamwi na isaṟia lya moo, kundu iterewa lyanyu lyilashingyio nyi kyindo.