Tito 3:5 - Kivunjo New Testament 1999

⁵ Chi kyipfa kya mawuto ga wusumganyi lulewuta soe-pfo; indi kui isaṟia lyakye, kui isanjo na ifeo lya kawi na kui iwa wahya Mumuyonyi Mweele.

Tito 3:5 ပူးပေါင်းရင်းမြစ်များ

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Luka 1:50

Na isaṟia lyakye lyekyekaa marika mṟasa marika ko iwo wekyemwowuo na imwindia.

Luka 1:54

Naleikanyia Isiraelyi, mṟundi okye; kundu nakumbuo isaṟia lyakye.

Luka 1:72

Kundu nawutie waku waṙu, isaṟia na ikumbuo mma okye mweele.

Luka 1:78

Kui njia ya isaṟia lya Ruwa oṙu, na kui njia-tso ngyeela iwukyie wuye yacha na koṙu.

Waroma 11:14

Kofia ngyeiṙima iwaenenga wunyenyi wandu wa samu yako ngyimonyi na ikyiṟa wandu waata.

Waroma 11:6

Kyaindi kokooya nyi kui isaṟia, kyewa-se kui mawuto-pfo, ang'u iho isaṟia lyiwechiwa-se isaṟia-pfo.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 3:20

Kyipfa kuwoṙe mndu oose echitalo kye namsumganyi mbele yakye kui iwuta shilya mawawaso gakundi-pfo, kyipfa mawawaso gekyeenenga mndu imanya wunyamaṟi.

Waroma 3:28

Kyasia, luwonyi kye mndu nekyetalyio wusumganyi kui iiṙikyia kulawoṙe iwuta shilya mawawaso gakundi.

Waroma 4:5

Kyaindi ko mndu alaiṟunda, indi kaiṙikyia ulya aimtalyia wusumganyi mndu alakundi na iowuo Ruwa, iiṙikyia lya mndu-cho lyatalo kye nyi wusumganyi.

Waroma 9:11

(kyipfa walandefeo wana walya, maa walandewute kyindo kyicha ang'u kyiwicho, kundu kyindo Ruwa akundi kui isambuṟa kyigoṟokye, chi kyipfa kya mawuto-pfo, indi kyipfa kya kyilya ulya ailaga akundi),

Waroma 9:16

Kyasia, kokooya nyi wuṙo, chi wuiṙiminyi wo ulya akundi, maa wo ulya aikapa mteeṟa-pfo; indi wo Ruwa ulya aihooṟia.

Waroma 9:30

Kyasia lugambe kyikyi-ng'u? Kye wandu walaiṙikyie Ruwa, walekyeosha wusumganyi; walewona wusumganyi; kyaindi nyi wusumganyi wulya wukyeri wo iiṙikyia.

1 Wakorinto 6:11

Na waata kyiiṙi kyanyu wawekyeri wandu wa mbaṟe-i; kyaindi mulesanjo, kyaindi muleilyisho, kyaindi muletalo kye muwasumganyi rinenyi lya Mndumii Yesu Kristo, na Mumuyonyi o Ruwa oṙu.

Wagalatia 2:16

luichi kye mndu ekyetalyio wusumganyi kui mawuto ga mawawaso-pfo, indi kui iwaṙa iiṙikyia kyiiṙi kya Kristo Yesu. Soe luleiṙikyia Kristo Yesu kundu lutalyio wusumganyi kui iiṙikyia Kristo, maa chi kui mawuto ga mawawaso-pfo; kyipfa kui mawuto ga mawawaso kuwoṙe mndu echitalyio wusumganyi-pfo.

Wafilyipi 2:4

Kyaindi Ruwa kyipfa akyeri o isaṟia lying'anyi, kui ikunda lyakye lying'anyi alelukunda;

Wafilyipi 4:23

Mugalutso muwe wandu wahya ikusurienyi lya mrima yanyu.

Wafilyipi 5:26

kundu nailyishe Siṟi na iisanja kui mṟinga Ṙeṙonyi.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Tito 3:4

Kyaindi wucha wo Mkyiṟa oṙu Ruwa, na ikunda lyakye ko wandu, kyiyeri lyileloṟo, nalelukyiṟa.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 4:16

Kyasia, lutikyire kyitimenyi kya isaṟia kulawoṙe wuowu, kundu luenengo isaṟia, na iwona isaṟia lyelutarama kyiyeri lulawoṙe shindo shilushikyie.

Waebrania 6:6

wakaṙa iiṙikyia numa ya iho, kyechiiṙimika-se iwagaluo waṙumbuye wunyamaṟi-pfo; cha kyipfa wakapia Mono-Ruwa msalabenyi lya kawi kui mrima yawo, na imriisa sonu na pata.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

1 Petiro 2:10

Nyoe ipfo mawookyionyi muwei chi isanga-pfo, kyaindi wulalu nyi isanga lya Ruwa; mukyeri wandu mulawoṙe isaṟia, indi wulalu mowona isaṟia.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.