Tito 3:3 - Kivunjo New Testament 1999

³ Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Tito 3:3 ပူးပေါင်းရင်းမြစ်များ

Matayo 21:29

Kagaluo kagamba, ‘Ngyiyenda, Mndumii,’ alayende.

Luka 21:8

Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Yohane 8:34

Yesu kawagaluo, kagamba, “Ny'kyaloi ngammbia, ‘Orio mndu ekyewuta wunyamaṟi nyi mtumo o wunyamaṟi.’

Waroma 11:30

Kyipfa kokooya chandu nyoe kacha mulelega Ruwa, kyaindi wulalu mulewona isaṟia kui ilega lyawo;

Waroma 6:12

Kyasia, wunyamaṟi wulachilyie mmbiunyi yanyu yekyepfa mṟasa mukoosha lango tsayo.

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

Waroma 6:6

Luichi mbonyi-tsi kye, mkaṟo oṙu o kacha ulekapio msalabenyi hamwi na oe, kundu mmbiu o wunyamaṟi uilachikye lulachilyio-se nyi wunyamaṟi.

2 Wakorinto 12:20

Kyipfa ngiowuo, ngyilachemukooya chandu ngyilakundi imukooya mukongyiwona konyu chandu mulawekusurie ingyiwona ngyilachekooya kofia nyi wuṟiingyi na wunyeng'i, na nyashi, na maluyano, na iiriana wongo, na iṙeṙana, na makushelo, na kyituṟu.

Wagalatia 6:3

Kyipfa mndu kakuwona kye nyi kyindo, na oe chi kyindo-pfo, nakulemba mrimenyi kokye.

Wakolosai 1:21

Na nyoe muwekyeri ipfo mawookyionyi kuleshi na Ruwa, lyingyi-se washituwa wakye makusaṟonyi ganyu, kui mawuto ganyu mawicho, namusanza wulalu;

Wakolosai 3:7

Kyiiṙi kya isho maa nyoe taa mulewuta kyiyeri kya kacha, kyiyeri shilemuchilyia.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

2 Timoteo 3:6

Cha kyipfa kyiiṙi kya iwo kuwoṙe walya wekyekuwika numbenyi tsa wandu, na iwaṙa pfo waka wai matondo wawoṙe maṟio ga wunyamaṟi, waleṙoo nyi lango tsa orio mbaṟe;

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Tito 2:12

Nalyo lyilulosha ilega wuwicho na lango tsa kyiwuyana; luiṙime iwaṙa moo na meena, na wusumganyi, na iowuo na ikunda Ruwa, kyiiṙi kya wuyana-wu wo wulalu.

Yakobo 1:26

Mndu kakusaṟa kye nawoṙe mwiṙikyie, indi ekyeringa ulumi lokye-pfo, kunu echilemba mrima okye, mwiṙikyie o mndu-cho chi kyindo-pfo.

1 Petiro 1:14

Cha wana wa wuindi mulakufananyishe na lango tsanyu tsa mawookyionyi, tsa wutondo wonyu;

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:14

Nalyo lyikatewe walya wekyekaa urukyenyi, kui shiṟingyishio shilya lyileenengo ishiloṟa mbele ya indo-lyo, lyechiwia walya wekyekaa urukyenyi ilyiachikyia ifano lya indo lyilya, lyiwewoṙe ifaṟo lya ushu, nalyo lyikawaṙa moo.

Ulogo 18:2

Kafiiṟa na ṟui lying'anyi, echigamba, “Nooloka, nooloka Babelyi ung'anyi, nowa kanyi ko masatana, na moombo o orio mumuyo mmbicho, na moombo o orio kyileye kyiwicho kyekyeenenga wandu isuo;