Tito 3:1 - Kivunjo New Testament 1999

¹ Ukumbuṟe wandu ipfereria ko walya wawoṙe pfinya na wuchilyi, na iindia, na orio kyiyeri ikuṟeyeṟa ko orio iṟunda lyicha.

Tito 3:1 ပူးပေါင်းရင်းမြစ်များ

Matayo 22:21

Wakammbia, “Nyi ya Kaisari.” Kawawia, “Kyasia, enengyenyi Kaisari shikyeri sha Kaisari, na Ruwa shikyeri sha Ruwa.”

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Waefeso 1:11

muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

1 Timoteo 2:2

kyipfa kya wamangyi na wawoṙe wuchilyi, luwe wandu walakyeri ndengyenyi na wawoṙe ufoṟo, kyiiṙi kya iindia Ruwa na wandu woose.

1 Timoteo 4:6

Ukumbuṟe wandu shindo-sho, na iyoe nochiwa mṟundi mcha o Kristo Yesu, na mndu uichiwie mbonyi tsa iiṙikyia, na malosho mecha galya uleosha.

1 Timoteo 5:10

Na oe naṟingyishio kye nawoṙe mawuto mecha; kokooya naleambuya na iṙosa wana necha, kokooya naleambilyia wayenu, kookoya nalekutitiṟa mṟasa kaanguo wandu wa Ruwa maṙende, kokooya naletarama wandu wailyiso wukyiwa, kokooya nalewika wuragari iṟundenyi lyicha.

2 Timoteo 1:6

Kyipfa kya ikyo ngyikukumbuṟa, ulanyamaṟe kyisumbo kya Ruwa, kyikyeri mrimenyi kopfo kui iyekyio mawoko gako.

2 Timoteo 2:14

Uwakumbuṟe mbonyi-tso, ochiwaikyimbia mbele ya Ruwa, walawaṙe iwingana kui maṙeṙo, galawoṙe kyiira, indi gekyenyamaṟa walya wekyegaicho.

2 Timoteo 2:21

Kyasia kokooya mndu nakuilyisha kui ikushowa na isho, nechiwa kyindo kyewona kyiṟumi, kyikyisanje, kyiwoṙie Mndumii kyiira, kyikyiachikyie kui orio iṟunda lyicha.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

2 Petiro 1:12

Koikyo ngyikusurie imukumbuṟa isho mfiri yoose, maa chandu mushiichi na iṟingyishio kyiiṙi kya loi mukyeri nayo.

Yuda 1:5

Lyingyi-se ngyikundi imukumbuṟa maa chandu mommanye isho shoose kye Mndumii, amkyiṟe wandu urukyenyi lo Misiri, nalewarumatsa numa ya iho walya walaiṙikyie.