Tito 2:8 - Kivunjo New Testament 1999

⁸ na mbonyi tsiwoṙe moo tsilechiiṙima igambo kye tsiwoṙe tewe, kundu ulya ekyekana narigo nyi sonu, cha kyipfa awoṙe kyindo eiṙima igamba kyipfa kyaṙu-pfo.

Tito 2:8 ပူးပေါင်းရင်းမြစ်များ

Mariko 12:17

Yesu kagaluo, kawawia, “Enengyenyi Kaisari shikyeri sha Kaisari, na shikyeri sha Ruwa enengyienyi Ruwa.” Wakaṟiyio mnu kyipfa kyakye.

Mariko 12:28

Na umwi o walosha wa mawawaso kacha, kaicho weṙeṙa na oe, kamanya kye nawagaluo necha, kammbesa, “Kyiiṙi kya mawawaso goose nyi lyiha lyikyeri lya kuwooka?”

Mariko 12:32

Mlosha ulya o mawawaso kammbia, “Ny'kyaloi, Mlosha, nogamba necha kye Ruwa nyi umwi, kuwoṙe ungyi sile oe-pfo.

Mariko 12:34

Na Yesu, kyiyeri alewona kye nagaluo kui wuṟango, nalemmbia, “Iyoe ukyeri kuleshi na Wumangyi wo Ruwa-pfo.” Maa mndu alekaria-se immbesa kyindo wookyia iho-pfo.

Luka 13:17

Kyiyeri alegamba ikyo walewoṙo nyi sonu woose wawewingana na oe. Kyisanzionyi kyoose kyikachihiyo kyipfa kya mbonyi tsa mng'ano tsileṟundo nyi oe.

2 Watesalonikye 3:14

Na kokooya mndu oose alaosha malosho gaṙu gakyeri iha paruonyi kushowenyi na mndu-cho, maa mulaṙeṙe na oe, naiṙime irigo nyi sonu;

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

1 Timoteo 6:3

Uloshe na itutuma shindo-shi. Mndu oose kalosha mbonyi tsingyi, alaiṙikyie mbonyi tsiwoṙe moo o Mndumii oṙu Yesu Kristo, maa malosho galaṙuṙanyi na iowuo na ikunda Ruwa,

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

1 Petiro 2:15

Cha kyipfa nyisho shindo Ruwa akundi. Kye kui iwuta shindo shicha mushingye maṙumbu ya wutondo ga matondo.

1 Petiro 3:16

Na nyoe muwaṙe makusaṟo mecha mrimenyi, kundu orio kyindo mochiirio, warigo nyi sonu walya wekyegamba kye mkaṟo onyu ummbicho maa chandu mulandewute kyindo kyoose kyiwicho.