Tito 2:2 - Kivunjo New Testament 1999

² Kye wameeku wawe wandu wawoṙe meena, wawoṙe mkaṟo yechienenga wandu iwaindia, wawoṙe wuṟango, wapfulukyie kyiiṙikyia na ikundenyi na wusimirinyi.

Tito 2:2 ပူးပေါင်းရင်းမြစ်များ

Mariko 5:15

Wakayenda ko Yesu, wakawona ulya awewoṙo nyi waṟufui wawicho, aṙamie, aṟee nguwo, alamsuko-se, na oe nyi oe awewoṙo nyi poo lyilya lya waṟufui wawicho; wakaowuo.

Luka 8:35

Wandu wakafuma indewona ikyo kyilewutika, wakayenda ko Yesu, wakawona mndu ulya alewuto waṟufui wawicho aṙamie maṙendenyi ga Yesu, aṟee nguwo na makusaṟo gakye gai mecha, wakaowuo.

Mawuto Ga Wasu 24:25

Na Kyiyeri Paulo aweionguo mbonyi tsa wusumganyi, na iwa na meena, na ianduyo lyiicha, Filekyisi kaowuo kagaluo, kagamba, “Wulalu yenda, na inyi ngawona ṙaawa ngyekulaga.”

Waroma 12:3

Cha kyipfa kui isaṟia ngyileenengo ngyiwia orio mndu akyeri konyu alakusurie kyindo kya ngoseṟa kuta chandu awaṟi ikusuria; indi nawaṙe meena chandu Ruwa agawie orio mndu meena o iiṙikyia.

1 Wakorinto 15:34

Ambuyenyi necha; maa mulawute kya wunyamaṟi; cha kyipfa wengyi waichi Ruwa-pfo. Ngyigamba isho kundu ngyimuriise sonu.

1 Wakorinto 9:25

Na orio mndu ekyeṙicha nekyekuima shindo shifoi. Kyasia iwo wekyewuta kuṙo kundu waambilyie iṟikoso lyekyenyamaṟika; indi soe lokyeambilyia iṟikoso lyilekyenyamaṟika.

2 Wakorinto 5:13

Kyipfa kokooya luwasuko nyi kyipfa kya Ruwa; ang'u kokooya lulawasuko, nyi kyipfa kyanyu.

Wagalatia 5:23

wuhoo, iwaṙa meena. Kuwoṙe iwawaso lya mbonyi tsa shindo cha isho-pfo.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

1 Watesalonikye 5:6

Kyasia lulalae maṙoe cha wandu wengyi, indi lulae kyiṙombo, na iwaṙa meena.

1 Watesalonikye 5:8

Kyaindi soe lokyewuta shindo cha ilyi orio kyindo kyekyewuto ngyeelenyi, luwaṙe meena, kunu lochiwaṙa iiṙikyia na ikunda na lukusurie nakamwi ikyiṟo nyi Ruwa, na ikyo kyechiwa kyindo kyeringa mṙoe yaṙu ilakapo nyi kyindo.

1 Timoteo 1:10

Na waṟui, na wekyelaa na wandu wa nguwo tsawo, na wekyeiwa wandu, na wekyeṙeṙa wongo, na wekyelya nyamu kui wongo; na kuwoṙe kyindo kyingyi kyoose kyilaṙuṙanyi na malosho gawoṙe moo.

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.

1 Timoteo 1:2

ngaṟeia paruo-i ko Timoteo, mana oko mkunde iiṙikyienyi. Isaṟia lyikae kopfo, na ihooṟia, na ufoṟo, shiwukyie ko Ruwa Awu na ko Kristo Yesu Mndumii oṙu.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

1 Timoteo 3:11

Na wuṙo waka wawo wawaṙe mkaṟo yechienenga wandu iwaindia. Chi wandu wekyeiria wengyi shindo sha wongo-pfo. Wandu wawoṙe meena, wekyeafutsia shoose wateṟia.

1 Timoteo 3:2

Kyasia kyiwaṟi askofu nawe mndu alekyegambo kye nawoṙe wuwicho woose, mii o mka umwi, awoṙe meena na wuṟango, mndu muyendelyi, ekyeambilyia wandu, aichi ilosha.

1 Timoteo 3:4

Mndu ekyechilyia necha kanyi kokye, aichi itoṟisha wana;

1 Timoteo 3:8

Na wuṙo mashemasi wawe wandu wawoṙe mkaṟo yechienenga wandu iwaindia. Chi wandu wekyegamba ikyi inu na kyingyi ngama-pfo. Chi wandu wekyenyo mpfinyo mnu-pfo. Chi wandu wawoṙe wulanga wo masaa ga sonu-pfo.

1 Timoteo 5:1

Ulaṟoṟome mndu meeku, indi ṙeṙa na oe cha awu opfo; na ndaka cha wana wa womoo.

Tito 1:13

Wuṟingyishi-wo nyi loi. Kyipfa kya ikyo uwaṙeṙie kui wulang'a, kundu wawe wandu wapfulukyie iiṙikyienyi;

Tito 1:8

Indi nawe mndu ekyeambilyia wandu, akundi iwuta kyilya kyikyicha, awoṙe meena, awoṙe wusumganyi, mweele, aichi ichilyia lango tsa mrima okye.

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

Filemon 1:9

kyaindi kyipfa kya ikunda ngyikuterewa, cha kyipfa nyi chandu ngyikyeri, Paulo ngyikyeri meeku, na wulalu mpfungo o Kristo Yesu taa.

1 Petiro 1:13

Koikyo kuṟeyeṟenyi na iwaṙa meena; mochiweṙelyia nakamwi isaṟia lyilya mochiwona kyiyeri Yesu Kristo echiloṟo.

1 Petiro 4:7

Kyaindi mafurumionyi ga shindo shoose gakyeri kufuhi. Kyasia ṟanguonyi, mulae kyiṙombo mochiterewa.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

2 Petiro 1:6

Na wuṟangonyi wonyu meena, na meenenyi onyu wusimiri; na wusimirinyi wonyu iowuo na iindia Ruwa.