Tito 2:14 - Kivunjo New Testament 1999

¹⁴ ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 2:14 ပူးပေါင်းရင်းမြစ်များ

Matayo 1:21

Na oe nechienengo mana o womi, na iyoe nochimlaga Yesu, kyipfa, nyi oe echiwuta wandu wakye ngyuunyamaṟi tsawo.

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Matayo 3:12

Indo lyakye lyeela shindo lyikyeri kuwokonyi kokye, na oe nechiaia muului oose handu hakye heelyia shindo; na isania nganu yakye kyikumbinyi, kyaindi muului nechiurumatsa moṙonyi ulekyeruma.”

Yohane 10:15

chandu Awu angyiichi na chandu ngyiichi Awu. Na inyi ngyekyereka moo oko kyipfa kya moondo.

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Mawuto Ga Wasu 15:14

Simion naluongoya chandu Ruwa ipfo mawookyionyi aleloṟa chandu ekyeembeṟa wandu walaiṙikyie Yesu kundu nasambuṟe wandu kyiiṙi kyawo kyipfa kya rina lyakye.

Mawuto Ga Wasu 15:9

Maa aleluwutia soe kyindo kyilafananyi na kyilya alewawutia-pfo, echiwailyisha mrima yawo kui iiṙikyia.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Mawuto Ga Wasu 9:36

Na kulya Yafa kuwewoṙe manalosho umwi ekyelago Tabita (kyimwi na igamba Dorikasi ang'u moṟinyi). Mndu mka-chu nawewoṙe mawuto mecha na ienengyia shienengo shetarama wakyiwa.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Wafilyipi 1:11

Na kyiiṙi kyakye soe taa lulewiko kyioṟa, kunu lochisambuṟo wookyia mawookyionyi iṙuana na kyilya oe akundi, ekyewuta shindo shoose iṙuana na kyilya akundi.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Timoteo 1:15

Nyi kyindo kya loi, na kyiwaṟi iiṙikyio nakamwi, kye Kristo Yesu nalecha na wuyanenyi nakyiṟe wanyamaṟi; walya o kuwooka ai nyi inyi.

1 Timoteo 2:10

indi kui mawuto mecha, chandu kyiwaṟi waka wekyeloṟa kye waowuye na ikunda Ruwa.

1 Timoteo 2:6

Ulya alekuwuta amonyi kundu naendie wandu woose wukyiṟo; ikuwuta lyileloṟa kyiyeri Ruwa akundi ikyiṟa wandu woose.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 10:24

Luambuye chandu lochitaramana na iwutiana shindo shicha na itutumana kui ikunda na iṟunda lyicha.

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.

1 Petiro 1:18

Na nyoe manyenyi kye mulekyiṟo chi kui shindo shekyenyamaṟika cha heleri ang'u sahapu-pfo; muiṙime iwuka mkaṟonyi onyu ulawoṙe kyiira muleuambilyia ko waku wanyu;

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

1 Yohane 1:9

Lukotochia Ruwa ngyuunyamaṟi tsaṙu, oe nekyeafutsia shilya ateṟia na namsumganyi mṟasa naluwute ngyuunyamaṟi tsaṙu, na ilusanja wuwicho woose.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.