Tito 2:1 - Kivunjo New Testament 1999

¹ Kyaindi iyoe onguo shindo shiwaṟi malosho galamasanze-sanze na shindo shingyi.

Tito 2:1 ပူးပေါင်းရင်းမြစ်များ

1 Timoteo 1:10

Na waṟui, na wekyelaa na wandu wa nguwo tsawo, na wekyeiwa wandu, na wekyeṙeṙa wongo, na wekyelya nyamu kui wongo; na kuwoṙe kyindo kyingyi kyoose kyilaṙuṙanyi na malosho gawoṙe moo.

1 Timoteo 6:3

Uloshe na itutuma shindo-shi. Mndu oose kalosha mbonyi tsingyi, alaiṙikyie mbonyi tsiwoṙe moo o Mndumii oṙu Yesu Kristo, maa malosho galaṙuṙanyi na iowuo na ikunda Ruwa,

2 Timoteo 1:13

Osha necha kui wuragari mbonyi tsiwoṙe moo uletsiicho koko, iiṙikyienyi lya ikunda lyikyeri kyiiri kya Kristo Yesu.

Tito 1:9

Iiṙikyia chandu amloshe naiṙime ikarisha wandu kui malosho gawoṙe moo, na iwinga walya wekyekana ulogo-lo.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.