Tito 1:8 - Kivunjo New Testament 1999

⁸ Indi nawe mndu ekyeambilyia wandu, akundi iwuta kyilya kyikyicha, awoṙe meena, awoṙe wusumganyi, mweele, aichi ichilyia lango tsa mrima okye.

Tito 1:8 ပူးပေါင်းရင်းမြစ်များ

Luka 2:25

Na halya Yerusalemu hawewoṙe mndu ekyelago Simion, na oe nyi mndu msumganyi, akundi na iowuo Ruwa, echiweṙelyia kyiyeri kya Waisiraelyi, iwiyiṟio moo na Mumuyo Mweele nawei na oe.

Mawuto Ga Wasu 24:25

Na Kyiyeri Paulo aweionguo mbonyi tsa wusumganyi, na iwa na meena, na ianduyo lyiicha, Filekyisi kaowuo kagaluo, kagamba, “Wulalu yenda, na inyi ngawona ṙaawa ngyekulaga.”

1 Watesalonikye 2:10

Nyoe nyi waṟingyishi, na Ruwa taa, chandu lulekaa konyu nyoe muiṙikyie Yesu, kui wuele, na kui wusumganyi, kulawoṙe igamba kye lowuta kyindo kyiwicho.

1 Timoteo 3:2

Kyasia kyiwaṟi askofu nawe mndu alekyegambo kye nawoṙe wuwicho woose, mii o mka umwi, awoṙe meena na wuṟango, mndu muyendelyi, ekyeambilyia wandu, aichi ilosha.

1 Timoteo 4:12

Mndu oose alamine wundaka wopfo, indi uwaṙe mkaṟo mcha mbele ya walya waiṙikyie Yesu, kyiiṙi kya iṙeṙa na ikundenyi na ufoṟo na mkaṟonyi ulawoṙe ukoe lo wuṟui.

1 Timoteo 6:11

Indi iyoe mndu o Ruwa, uṙiche shindo-sho; uoshe wusumganyi, iowuo na ikunda Ruwa, iiṙikyia, ikunda, wusimiri, na wuhoo.

2 Timoteo 2:22

Kyaindi ṙicha lango tsa wundakyenyi, undeosha wusumganyi, na iiṙikyia, na ikunda, na ufoṟo, hamwi na walya wekyeindia Mndumii kui mrima mmbaṙami.

2 Timoteo 3:3

Walakundi wandu wa kanyi kowo, walakundi isanzo na walya waluyanyi nawo, wekyeiria woṙoe shindo sha wongo, walekyeiṙima ichilyia lango, walang'a, walakundi mecha.

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

1 Yohane 3:14

Soe luichi kye lomuiṙa iwuka upfunyi iiṙa na moonyi, cha kyipfa lukundi wana wa wama kyiiṙi kya Kristo. Ulya alakundi, nakyeri upfunyi.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.