Tito 1:16 - Kivunjo New Testament 1999

¹⁶ Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Tito 1:16 ပူးပေါင်းရင်းမြစ်များ

Waroma 1:28

Na chandu walelega iwika Ruwa ngyuuṟangonyi tsawo, Ruwa nalewaṙa waoshe ngyuuṟango tsawo tsilawoṙe kyiira, wawute shilawaṟi iwuta.

Wafilyipi 5:6

Mndu alamulembe kui maṙeṙo galawoṙe kyiira; cha kyipfa, kyipfa kya ikyo nyashi ya Ruwa yekyeolokyia wana wa wunyamaṟi.

1 Timoteo 1:9

Aichi kyindo-kyi kye mawawaso chi galeṙiko kyipfa kya wandu wasumganyi-pfo indi kyipfa kya wanyamaṟi, na walakyeri wayendelyi, na wekyefunja mawawaso ga Ruwa, na walya walekyeindia shindo shiele, na wekyewaaga wafee wawo, na wawaagi.

1 Timoteo 5:8

Kyaindi mndu oose alekyeambuya walya wakyeri wakye, ngoseṟa walya wa kanyi kokye, nakana Iirikyia, lyingyi-se nammbicho kuta mndu alaiṙikyie Yesu.

2 Timoteo 3:17

Kundu mṟundi o Ruwa nawe mndu aafutsie echiiṙima iṟunda orio iṟunda lyicha.

Tito 3:1

Ukumbuṟe wandu ipfereria ko walya wawoṙe pfinya na wuchilyi, na iindia, na orio kyiyeri ikuṟeyeṟa ko orio iṟunda lyicha.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 21:27

Na ipfo mṟinyi kochiwaṙa kyindo kyoose kyifafa-pfo, maa ulya ekyewuta shindo sha sonu ang'u iṙeṙa wongo-pfo, indi walya wawaṟeie kyitapunyi kya moo kya Kyiondo kya Ruwa.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”